Elordalyqtar "Transtelekomnyń" ınternet qyzmetiniń sapasyna jappaı shaǵymdanýda, dep haarlaıdy Dalanews.kz KazTAG-qa silteme jasap.
"Men Zauzar turǵyn úı kesheninde turamyn. Ǵalamtorymyz eki kún boldy, nashar istep tur, al keshe túnde múldem bolmady, jalǵyz mende emes, kórshilerimizdiń bárinde. "Transtelekomnyń" baılanys ortalyǵyna habarlasý múmkin emes, telefonnyń arǵy jaǵynan "robot" jaýap berip, "barlyq operatorlardyń bos emes" ekenin aıtady. Oılańyzshy, ınternettiń osyndaı syqpytymen bizdikiler sıfrlandyrý jáne jasandy ıntellektini damytpaq, onyń ústine "bizdiń ınternet Tokıodan da kúshti" dep ótirik aıtýdan esh qymsynbaıdy", - deıdi QazTAG agenttiginiń elordalyq oqyrmany senbi kúni.
Agenttik te turǵynnyń bul aıtqanyn rastaıdy, materıaldy jazý kezinde saǵat 10:10-daǵy jaǵdaı boıynsha "Transtelekom" ınterneti atalǵan turǵyn úı kesheniniń turǵyndary úshin qoljetimsiz bolǵan.
Aıta ketsek,elodalyqtar "Transtelekomnyń" ınternet qyzmetiniń sapasyna bul birinshi ret shaǵymdanýy emes. Atalǵan másele týraly biz 2025 jyly maýsym aıynda da jazǵanbyz.
2025 jyly 12 aqpanda Darıǵa Nazarbaevanyń uly Nuráli Álıev satylýyna baılanysty "Transtelekom" AQ basshylyǵyndaǵy qyzmetinin bosaǵanyn málimdegen.
"Transtelekom" Qazaqstandaǵy 75 iri jeke kompanıalar reıtıńine enedi (2024), 36-orynda, kirisi 78,9 mlrd teńge, al taza paıdasy 10,7 mlrd teńge bolady.
