ەلوردالىقتار "ترانستەلەكومنىڭ" ينتەرنەت قىزمەتٸنٸڭ ساپاسىنا جاپپاي شاعىمدانۋدا, دەپ حاارلايدى Dalanews.kz كازتاگ-قا سٸلتەمە جاساپ.
"مەن Zauzar تۇرعىن ٷي كەشەنٸندە تۇرامىن. عالامتورىمىز ەكٸ كٷن بولدى, ناشار ٸستەپ تۇر, ال كەشە تٷندە مٷلدەم بولمادى, جالعىز مەندە ەمەس, كٶرشٸلەرٸمٸزدٸڭ بەرٸندە. "ترانستەلەكومنىڭ" بايلانىس ورتالىعىنا حابارلاسۋ مٷمكٸن ەمەس, تەلەفوننىڭ ارعى جاعىنان "روبوت" جاۋاپ بەرٸپ, "بارلىق وپەراتورلاردىڭ بوس ەمەس" ەكەنٸن ايتادى. ويلاڭىزشى, ينتەرنەتتٸڭ وسىنداي سىقپىتىمەن بٸزدٸكٸلەر تسيفرلاندىرۋ جەنە جاساندى ينتەللەكتٸنٸ دامىتپاق, ونىڭ ٷستٸنە "بٸزدٸڭ ينتەرنەت توكيودان دا كٷشتٸ" دەپ ٶتٸرٸك ايتۋدان ەش قىمسىنبايدى", - دەيدٸ قازتاگ اگەنتتٸگٸنٸڭ ەلوردالىق وقىرمانى سەنبٸ كٷنٸ.
اگەنتتٸك تە تۇرعىننىڭ بۇل ايتقانىن راستايدى, ماتەريالدى جازۋ كەزٸندە ساعات 10:10-داعى جاعداي بويىنشا "ترانستەلەكوم" ينتەرنەتٸ اتالعان تۇرعىن ٷي كەشەنٸنٸڭ تۇرعىندارى ٷشٸن قولجەتٸمسٸز بولعان.
ايتا كەتسەك,ەلودالىقتار "ترانستەلەكومنىڭ" ينتەرنەت قىزمەتٸنٸڭ ساپاسىنا بۇل بٸرٸنشٸ رەت شاعىمدانۋى ەمەس. اتالعان مەسەلە تۋرالى بٸز 2025 جىلى ماۋسىم ايىندا دا جازعانبىز.
2025 جىلى 12 اقپاندا داريعا نازارباەۆانىڭ ۇلى نۇرەلٸ ەليەۆ ساتىلۋىنا بايلانىستى "ترانستەلەكوم" اق باسشىلىعىنداعى قىزمەتٸنٸن بوساعانىن مەلٸمدەگەن.
"ترانستەلەكوم" قازاقستانداعى 75 ٸرٸ جەكە كومپانييالار رەيتينگٸنە ەنەدٸ (2024), 36-ورىندا, كٸرٸسٸ 78,9 ملرد تەڭگە, ال تازا پايداسى 10,7 ملرد تەڭگە بولادى.
