«Elbasy joly» ekspeditsiiasy Túrkistanǵa keldi
Ekspeditsiia músheleri myńjyldyq órkenietterdiń toraby bolǵan Túrkistan qalasyna kelip, 14-29 jas aralyǵyndaǵy «Elbasy medali» jobasynyń qatysýshylarymen kezdesti.
Jas kóshbasshylar men bilimdi órender ózara pikir almasyp, ǵylym, bilim, mádeniet jáne ózge de salalarda jetistikke jetý jolyn saralady. Túrkistannyń damyp kele jatqanyn tilge tiek etip, bunyń bári táýelsizdiktiń jemisi ekenine toqtaldy.
Aita keteiik, Túrkistan oblysy boiynsha 276 bilimdi jas «Elbasy medali» jobasynan qola medal aldy. Biyl 54 medal iegerine memlekettik bilim granty berildi. Qazir óńirde 565 jas jobaǵa qatysyp jatyr. Olardyń 222-i qola deńgeidi, 17-i kúmis deńgeidi aiaqtaýǵa úmitker bolyp tur. Óńir boiynsha baǵdarlamany júzege asyrýda 19 tálimger, 1 óńirlik úilestirýshi jáne 1 sarapshy qyzmet etip jatyr.
Budan keiin ekspeditsiia músheleri «Qoja Ahmet Iasaýi» kesenesiniń tarihyna qanyǵyp, babalar rýhyna ziiarat jasady. IýNESKO-nyń tiziminde turǵan tarihi eskertkishterdi tamashalady. Túrkistanda jańadan boi kótergen ǵimarattardy, mádeni-áleýmettik nysandardy aralady. «Kerýen-sarai» týristik kesheninde serýendep, jańarǵan Túrkistandaǵy ózgeristerge rizashylyqtaryn bildirdi.
Elbasy akademiiasynyń resmi ókili Marjan Imanǵalievanyń aitýynsha, «El Úmiti» bastamasy men «Elbasy medali» jobasyna qatysýshylardyń kóńil-kúileri óte jaqsy. Bul ekspeditsiia arqyly jastardyń shyǵarmashylyq bailanystary nyǵaiyp, oi-óristeri keńeiedi. Ekspeditsiia Túrkistan oblysy men Shymkent qalalarynda kezdesýlerge qatysqan soń Temirtaý men Nur-Sultan qalalaryna jolǵa shyǵady.
