Telegram messendjeriniń negizin qalaýshy Pavel Dýrov Reseidiń terrorister men ekstremister tizimine engizilýine qatysty pikir bildirdi, dep habarlaidy dalanews.kz.
Kásipkerdiń aitýynsha, Resei biligi ony Telegram qoldanýshylaryna jappai baqylaý júrgizý jáne messendjerde tsenzýra engizý týraly talaptardy oryndaýdan bas tartqany úshin atalǵan tizimge qosqan.
«Resei zańnamasyna sáikes, maǵan internette aqparat jariialaýǵa tyiym salyndy. Resei sheneýnikteri internette kimniń kimdi buǵattai alatyny máselesinde shatasyp qalǵan siiaqty», – dep jazdy Dýrov Telegram-arnasynda.
Osylaisha, Pavel Dýrov ózine qatysty sheshimge mysqylmen jaýap berip, Resei biliginiń áreketin synǵa aldy.
Eske salaiyq, 30 shildede Resei Pavel Dýrovty terrorister men ekstremister tizimine engizgen bolatyn.
Sonymen qatar, Resei Pavel Dýrovqa halyqaralyq izdeý jariialaǵanyn habarlaǵan edik. FSB málimetinshe, Telegram ákimshiligi reseilik arnaiy qyzmetterdiń nusqasy boiynsha terrorlyq áreketter men basqa da qylmystardy uiymdastyrý úshin paidalanylǵan arnalardy, chattardy jáne bottardy joimaǵan, dep jazady RIA Novosti.
Sonymen qatar, Aýstraliia biligi Telegram messendjerine qarsy sotqa júgindi. Eldiń elektrondy qaýipsizdik jónindegi retteýshisi eSafety platformany terrorizmdi nasihattaityn materialdardy der kezinde joimaǵan dep aiyptap otyr.
