Bir ataǵynan aiyrylǵan boksshy Jánibek Álimhanuly áleýmettik jelide málimdeme jasady, dep habarlaidy Dalanews.kz.
Sportshy qoldaý kórsetken qalyń qazaqqa alǵys bildirdi.
"Synaldyq, biraq synbadyq! Kerisinshe shyńdaldyq! Sheshimder shyqty, IBF ketti, WBO qaldy. Qalai bolǵanda da qazir men WBO nusqasy boiynsha orta salmaqta álem chempionymyn! 1 titýl saqtaldy! Allaǵa shúkir! Buiyrtsa 8 aidan soń ringke shyǵamyn! Úlken joryq jalǵasady. Qudai jaratqan tóbeni ketpen shaýyp bite almaidy! Qudai jaqqan otty adam úrlep óshire almaidy! Biz áli aiaqtamadyq, menińshe, bári endi bastalatyn siiaqty! Kásipqoi boks bireýler úshin sport bolsa, keibireýler úshin tek biznes! Biz sport jaǵyndamyz! Biz qazaqylyq baǵytyndamyz! Qazanattyń jolynda jazyq ta bar, or da bar, azamattyń jolynda baqyt ta bar, sor da bar! Bul - ómir zańy! Ár qiyndyqtan soń qýanysh baryn umytpaimyz! Men dopingke qarsymyn! Muny buryn da aitqanmyn, qazir de aitamyn! Ótken nárse ótti, bitken nárse bitti! Talqylai bergennen, ýaiymdai bergennen taǵdyr ózgermeidi. Eń bastysy el meniń kim ekenimdi, qandai boksshy ekenimdi jaqsy biledi! Ardaqty aǵaiyn, biz áli ÁLEM chempionymyz! Aldymyzda talai doda kútip tur! Jeńisti kúnde júzdeseiik! Qoldaýlaryńyzǵa raqmet", - dedi ol.
2025 jylǵy jeltoqsanda Jánibek Álimhanuly doping synamasynan óte almaǵan edi.
Eske salaiyq, buǵan deiin Halyqaralyq boks federatsiiasy (IBF) qazaqstandyq boksshy Jánibek Álimhanulyn orta salmaqtaǵy álem chempiony ataǵynan aiyrdy.
