2024 jylǵy qarashadan beri Mańǵystaý oblysyndaǵy Kaspii teńiziniń jaǵalaýynan 2 194 óli itbalyqtyń óleksesi tabylǵan, dep habarlaidy Dalanews.kz.
Keiingi derekterge sáikes, 24 mamyr kúni qoǵam belsendisi ári bloger Azamat Sársenbaev túsirilim tobymen birge Fort-Shevchenko qalasyna barǵan kezde, jaǵalaýdyń nebári bir shaqyrymdyq bóliginen elýge jýyq óli eresek itbalyqty anyqtaǵan.
“Búgin Euronews telearnasynyń túsirilim tobymen birge Kaspii teńizindegi ekologiialyq ahýal týraly siýjet daiyndaýǵa keldik. Alaida jaǵalaýdaǵy kórinis jan túrshigerlik boldy — nebári bir shaqyrym aýmaqta 50-den astam óli eresek itbalyq jatyr”, – dep jazdy Sársenbaev áleýmettik jelide.
Onyń aitýynsha, eki kún buryn dál osy aýmaqta jergilikti inspektorlar 160-tan astam itbalyq óleksesin jinap, joiǵan.
Al QR Aýyl sharýashylyǵy ministrligine qarasty Balyq sharýashylyǵy komitetiniń dereginshe, 20–21 mamyr kúnderi Fort-Shevchenko mańyndaǵy Túpqaraǵan aýdanynda júrgizilgen tekseris kezinde ydyraý satysyndaǵy 117 itbalyq óleksesi tabylǵan. Mamandar bul janýarlar 2023 jylǵy qarasha–jeltoqsan ailarynda qyrylýy múmkin degen boljam keltirip otyr.
Qazirgi tańda jaǵalaýdy baqylaý jumystary jalǵasyp jatyr.
