2024 جىلعى قاراشادان بەرى ماڭعىستاۋ وبلىسىنداعى كاسپيي تەڭىزىنىڭ جاعالاۋىنان 2 194 ءولى يتبالىقتىڭ ولەكسەسى تابىلعان، دەپ حابارلايدى Dalanews.kz.
كەيىنگى دەرەكتەرگە سايكەس، 24 مامىر كۇنى قوعام بەلسەندىسى ءارى بلوگەر ازامات سارسەنبايەۆ ءتۇسىرىلىم توبىمەن بىرگە فورت-شيەۆچەنكو قالاسىنا بارعان كەزدە، جاعالاۋدىڭ نەبارى ءبىر شاقىرىمدىق بولىگىنەن ەلۋگە جۋىق ءولى ەرەسەك يتبالىقتى انىقتاعان.
“بۇگىن Euronews تەلەارناسىنىڭ ءتۇسىرىلىم توبىمەن بىرگە كاسپيي تەڭىزىندەگى ەكولوگيالىق احۋال تۋرالى سيۋجەت دايىنداۋعا كەلدىك. الايدا جاعالاۋداعى كورىنىس جان تۇرشىگەرلىك بولدى — نەبارى ءبىر شاقىرىم اۋماقتا 50-دەن استام ءولى ەرەسەك يتبالىق جاتىر”، – دەپ جازدى سارسەنبايەۆ الەۋمەتتىك جەلىدە.
ونىڭ ايتۋىنشا، ەكى كۇن بۇرىن ءدال وسى اۋماقتا جەرگىلىكتى ينسپەكتورلار 160-تان استام يتبالىق ولەكسەسىن جيناپ، جويعان.
ال ق ر اۋىل شارۋاشىلىعى مينيسترلىگىنە قاراستى بالىق شارۋاشىلىعى كوميتەتىنىڭ دەرەگىنشە، 20–21 مامىر كۇندەرى فورت-شيەۆچەنكو ماڭىنداعى ءتۇپقاراعان اۋدانىندا جۇرگىزىلگەن تەكسەرىس كەزىندە ىدىراۋ ساتىسىنداعى 117 يتبالىق ولەكسەسى تابىلعان. ماماندار بۇل جانۋارلار 2023 جىلعى قاراشا–جەلتوقسان ايلارىندا قىرىلۋى مۇمكىن دەگەن بولجام كەلتىرىپ وتىر.
قازىرگى تاڭدا جاعالاۋدى باقىلاۋ جۇمىستارى جالعاسىپ جاتىر.
