Sondai-aq jergilikti kásipkerlerdiń qulshynysyn arttyratyn tyń ári ilkimdi jobalardyń ázirlenýine mán bergen jón. Bul máseleni Túrkistan oblysynyń ákimi Janseiit Túimebaev birneshe ret aityp ótken bolatyn.
Aitalyq, aýdandaǵy Boraldai aýyldyq okýrigine qarasty Talap eldimekenindegi «Taý Alma Baq» JShS-ny biyl quryltaishylar esebinen jalpy quny 2 million AQSh dollaryn quraityn 43 gektarǵa qarqyndy baý otyrǵyzypty. 2013 jyly qolǵa alynǵan jobanyń maqsaty – baý kólemin 83 gektarǵa jetkizý. 107 gektar jerdi tolyq qorshap, tirligin dóńgeletip otyrǵan mekeme aldaǵy ýaqytta ár gektardan 50 tonnaǵa deiin ónim alýdy josparlap otyr. Seriktestik basshysy Seitjappar Ábdýsadyquly almadan bólek jańǵaq egý isin de qolǵa alypty.
– Boraidai aýyl okrýginiń taýly aýmaǵy alma egýge óte qolaily. Sondyqtan baýdyń kólemin jyl sanap arttyryp, jańǵaq egýdi de qolǵa alǵanyńyzdy quptaimyn. Aldaǵy ýaqytta ózge okýrgterden de baý egýdi qolaǵa alsańyz, aýdan ákimdigi tarapynan barlyq qoldaýlar kórsetiletin bolady, – degen bolatyn budan buryn Janseiit Qanseiituly.
Báidibek aýdany maqsarysymen aty shyqqan óńir. Búginde bul daqylǵa shetelden de suranys kóp. Byltyr aýdanda 23 myń gektarǵa maqsary egilse, onyń kólemi biyl 43 myń gektarǵa jetken. Sharýalar búginde gektaryna 7-8 tsentnerden ónim alyp, oblysymyzdaǵy mai óndirýshi kásiporyndardy shikizatpen qamtamasyz etip otyr.
Budan bólek Boraldai aýyl okrýgindegi «Aberdin–Angýs» tuqymdy iri qara mal sharýashylyǵy da eksportqa shyǵatyn múmkindikke ie. 2015 jyly qurylǵan sharýashylyq qorasynda búginde 154 asyl tuqymdy mal basy bar. 3500 gektar jeri bar qojalyq aldaǵy ýaqytta mal basyn 2 myńǵa jetkizýdi josparlaýda.
Budan buryn óńir basshysy «Shaian» indýstrialdy aimaǵyna da atbasyn buryp, ondaǵy iske asqaly otyrǵan jobalardyń barysymen tanysqan bolatyn.
Jalpy aýmaǵy 60 gektardy quraityn aimaq búginde barlyq infraqurylymdyq qajettiliktermen qamtylǵan. Endigi másele – investorlar tartyp, jańa jumys oryndaryn kóptep ashatyn kásiporyndardy shoǵyrlandyrý.
– Indýstrialdy aimaqtyń múmkindigin tiimdi paidalana almai otyrsyzdar. Áli kúnge munda kásiporyn qurý jumystary qolǵa alynbai keledi. Osy rette aýdan ákiminiń jumysyna syn aitýǵa bolady. Jyl sońyna deiin naqty iske asyrylatyn jobalardy talqylap, aldaǵy jyly kásiporyndardy tezdetip ashýdy tapsyramyn, – degen edi oblys ákimi.
