– Búgingi jinalysymyzdyń maqsaty óńirler arasynda ekonomikalyq, mádeni-gýmanitarlyq jáne ózge de salalarda tyǵyz yntymaqtastyq ornata otyryp, ózara taýar ainalymyn ulǵaitý, óńirlerdiń ekonomikalyq jaǵdaiyn jaqsartý bolyp tabylady. Jiyn qorytyndysy boiynsha óńirler arasyndaǵy ózara yntymaqastastyqty damytýǵa baǵyttalǵan memorandýmdarǵa qol qoiý josparlanyp otyr. Osy memorandýmdar eki óńirdiń ózara tiimdi ári nátijeli qarym-qatynastarynyń odan saiyn damýyna úlken septigin tigizedi dep senim bilderemin, – dedi J.Túimebaev.
«Biz, óz kezegimizde, Ońtústik Qazaqstan oblysyna munai-gaz sektorynan bólek, seriktestiktiń ózge de salalaryn usynǵymyz keledi. Mysaly, Ońtústik Qazaqstan oblysynyń aýyl sharýashylyǵy men jeńil ónerkásiptegi áleýeti joǵary. Osyny eskere otyryp, aýyl sharýashylyǵy salasynda jańa tehnologiialardy paidalaný, AÓK ónimderin qaita óńdeý men agroónimderdi eksporttaý úshin infraqurylym qurylysyn júrgizý baǵytynda birlesken jobalardy uiymdastyrýǵa daiyn ekenimizdi málimdeimiz», - dedi A.Kólginov.
Kezdesý qorytyndysy boiynsha Ońtústik Qazaqstan jáne Batys Qazaqstan oblystarynyń ákimdikteri men biznes-qaýymdastyq ókilderi arasynda eki jaqty áriptestikti nyǵaitý aiasynda úsh memorandýmǵa qol qoiylyp, bir kelisim-shart jasaldy.
Kelisilgen birinshi qujat aiasynda Qazaqstan jáne Batys Qazaqstan oblystarynyń ákimdikteri arasynda investitsiia jáne óndiris salasy, shaǵyn jáne orta biznes, saýda-sattyq, týrizmdi damytý, aýyl sharýashylyǵy jáne densaýlyq saqtaý saladarynda áriptestik ornatylsa, ekinshi memorandým Kentaý transformator zaýyty men "Qarashyǵanaq Petroleým Opereiting” kásiporny arasynda transformatorlardy jetkizý aiasynda túzildi. Sońǵy, úshinshi memorandým «Shymkent» ÁKK» AQ men «Oral» ÁKK» AQ arasyndaǵy yntymaqtastyqty nyǵaitý maqsatynda jasaldy. Al tórtinshi qujat – kelisim-shart "Shymkenttsement" AQ men BafkerHughes kompaniialary arasynda qol qoiyldy. Bul kelisim Qarashyǵanaq ken ornynyń qajettiligin óteý úshin iske asyrylady.
Aita keteiik, bul – BQO ókilderiniń Ońtústikke jasap otyrǵan alǵashqy is-sapary emes. Biyl sáýir aiynda kúngeige aýyl sharýashylyǵy men indýstrialdy aimaqtarda atqarylyp jatqan jumyspen tanysyp, tájiribe almasý maqsatynda batystyq delegatsiia jumys saparymen arnaiy kelgen. Sonda jumysshy top quramyndaǵy kásipkerler, sharýa qojalyqtary men aýdan ákimdikteriniń ókilderi – barlyǵy 30-dan astam batysqazaqstandyq Ońtústiktegi iri sharýa qojalyqtarynyń jumysymen tanysty. Kooperativ qurýdaǵy tájiribelerimen almasty.
OQO ákiminiń baspasóz qyzmeti
