"Qazaqtelekom" ulttyq kompaniiasy Qazaqstan qor birjasyn basqarmanyń eki jańa múshesi sailanǵanynan qulaqtandyrdy. Osylaisha "Azamattarǵa arnalǵan úkimettiń" burynǵy basshysy "Qazaqtelekom" basqarmasynyń quramynan kórindi, dep jazady Dalanews.kz.
Tsifrlyq damý, innovatsiialar jáne aeroǵarysh ónerkásibiniń burynǵy vitse-ministri Abylaihan Ospanov kompaniianyń tsifrlyq biznes bóligin basqaratyn boldy. Ospanov 2017 jyldan 2019 jyldyń sáýirine deiin "Azamattarǵa arnalǵan úkimet" memlekettik korporatsiiasynyń Basqarma tóraǵasy bolǵan.
Sondai-aq kompaniianyń basqarmasy músheleri qataryna birneshe jyl boiy "Qazaqtelekomda" innovatsiialardy engizýge jaýapty bolyp kelgen tulǵa - Nurlan Meiirmanov ta alyndy. Ol qazir Strategiia jáne syrtqy aktivterdi basqarý jónindegi bas direktor bolyp tabylady.
"Qazaqtelekom" AQ basqarmasynyń tizgini ótken jazdan bastap tsifrlyq damý, innovatsiialar jáne aeroǵarysh ónerkásibiniń burynǵy ministri Baǵdat Mýsinniń qolyna ótken. Jalpy, "Qaztelekom" AQ basqarmasynyń quramy segiz adamnan turady.
Buǵan deiin Jusan Bank-tiń "Qazaqtelekom" aktsionerleri quramynan shyqqanyn jazǵanbyz. "Qazaqtelekomǵa" tiesili bolǵan Tele2/Altel qatarlyq kompaniiaǵa satylǵany da habarlanǵan.
