"قازاقتەلەكوم" ۇلتتىق كومپانياسى قازاقستان قور بيرجاسىن باسقارمانىڭ ەكى جاڭا مۇشەسى سايلانعانىنان قۇلاقتاندىردى. وسىلايشا "ازاماتتارعا ارنالعان ۇكىمەتتىڭ" بۇرىنعى باسشىسى "قازاقتەلەكوم" باسقارماسىنىڭ قۇرامىنان كورىندى، دەپ جازادى Dalanews.kz.
سيفرلىق دامۋ، يننوۆاسيالار جانە اەروعارىش ونەركاسىبىنىڭ بۇرىنعى ۆيسە-ءمينيسترى ابىلايحان وسپانوۆ كومپانيانىڭ سيفرلىق بيزنەس بولىگىن باسقاراتىن بولدى. وسپانوۆ 2017 جىلدان 2019 جىلدىڭ ساۋىرىنە دەيىن "ازاماتتارعا ارنالعان ۇكىمەت" مەملەكەتتىك كورپوراسياسىنىڭ باسقارما ءتوراعاسى بولعان.
سونداي-اق كومپانيانىڭ باسقارماسى مۇشەلەرى قاتارىنا بىرنەشە جىل بويى "قازاقتەلەكومدا" يننوۆاسيالاردى ەنگىزۋگە جاۋاپتى بولىپ كەلگەن تۇلعا - نۇرلان مەيىرمانوۆ تا الىندى. ول ءقازىر ستراتەگيا جانە سىرتقى اكتيۆتەردى باسقارۋ جونىندەگى باس ديرەكتور بولىپ تابىلادى.
"قازاقتەلەكوم" اق باسقارماسىنىڭ تىزگىنى وتكەن جازدان باستاپ سيفرلىق دامۋ، يننوۆاسيالار جانە اەروعارىش ونەركاسىبىنىڭ بۇرىنعى ءمينيسترى باعدات ءمۋسيننىڭ قولىنا وتكەن. جالپى، "قازتەلەكوم" اق باسقارماسىنىڭ قۇرامى سەگىز ادامنان تۇرادى.
بۇعان دەيىن Jusan Bankء-تىڭ "قازاقتەلەكوم" اكسيونەرلەرى قۇرامىنان شىققانىن جازعانبىز. "قازاقتەلەكومعا" تيەسىلى بولعان Tele2/Altel قاتارلىق كومپانياعا ساتىلعانى دا حابارلانعان.
