عىلىم جەنە جوعارى بٸلٸم مينيسترٸ ساياسات نۇربەك كٶرنەكتٸ عالىم, فيزيكا-ماتەماتيكا عىلىمدارىنىڭ دوكتورى, پروفەسسور قايرات قامالۇلى قادىرجانوۆتىڭ دٷنيەدەن ٶتۋٸنە بايلانىستى كٶڭٸل ايتتى, دەپ حابارلايدى dalanews.kz.
مينيستر مارقۇمنىڭ وتباسى مەن تۋعان-تۋىستارىنا, ەرٸپتەستەرٸ مەن شەكٸرتتەرٸنە, سونداي-اق بارشا عىلىمي قاۋىمعا قايعىرا كٶڭٸل ايتىپ, قايرات قادىرجانوۆتىڭ قازاقستان عىلىمى مەن يادرولىق تەحنولوگييالار سالاسىنا ٶلشەۋسٸز ٷلەس قوسقانىن اتاپ ٶتتٸ.
ساياسات نۇربەكتٸڭ ايتۋىنشا, قايرات قامالۇلى يادرولىق فيزيكا جەنە رادياتسييالىق ماتەريالتانۋ سالاسىنىڭ اسا كٶرنەكتٸ ٶكٸلٸ, تەۋەلسٸز قازاقستانداعى يادرولىق عىلىمنىڭ نەگٸزٸن قالاۋشىلاردىڭ بٸرٸ بولعان. ول سانالى عۇمىرىن عىلىمعا ارناپ, وتاندىق عىلىمي مەكتەپتٸڭ قالىپتاسۋىنا, ۇلتتىق كادرلار دايارلاۋعا جەنە حالىقارالىق عىلىمي ىنتىماقتاستىقتى دامىتۋعا زور ەڭبەك سٸڭٸردٸ.
قايرات قادىرجانوۆ جيىرما جىلعا جۋىق ۋاقىت بويى يادرولىق فيزيكا ينستيتۋتى مەن قازاقستان رەسپۋبليكاسىنىڭ ۇلتتىق يادرولىق ورتالىعىنا باسشىلىق جاساپ, ەلٸمٸزدٸڭ يادرولىق عىلىمىن جاڭا دەڭگەيگە كٶتەرۋگە اتسالىستى. ونىڭ جەتەكشٸلٸگٸمەن جٷزەگە اسقان جوبالار بۇرىنعى سەمەي سىناق پوليگونى اۋماعىن وڭالتۋعا, ٶڭٸردٸڭ ەكولوگييالىق جاعدايىن جاقسارتۋعا جەنە رادياتسييالىق قاۋٸپسٸزدٸكتٸ نىعايتۋعا ىقپال ەتتٸ.
مينيستر سونداي-اق عالىمنىڭ يادرولىق فيزيكا ينستيتۋتىنىڭ استاناداعى فيليالىن قۇرۋعا تٸكەلەي ۇيىتقى بولعانىن اتاپ ٶتتٸ. ونىڭ باستاماسىمەن ل.ن. گۋميلەۆ اتىنداعى ەۋرازييا ۇلتتىق ۋنيۆەرسيتەتٸ, يادرولىق فيزيكا ينستيتۋتى جەنە دۋبنا قالاسىنداعى بٸرٸككەن يادرولىق زەرتتەۋلەر ينستيتۋتى اراسىندا ٷشجاقتى ىنتىماقتاستىق ورناپ, «يادرولىق فيزيكا» ماماندىعى بويىنشا قوس ديپلومدى بٸلٸم بەرۋ باعدارلاماسى ٸسكە قوسىلعان.
ساياسات نۇربەك جۋىردا عىلىم قىزمەتكەرلەرٸ كٷنٸ قارساڭىندا قايرات قامالۇلىنا مەملەكەت باسشىسىنىڭ اتىنان عىلىم سالاسىنداعى جوعارى مەملەكەتتٸك ماراپات – «قازاقستاننىڭ ەڭبەك سٸڭٸرگەن عىلىم جەنە تەحنيكا قايراتكەرٸ» قۇرمەتتٸ اتاعى تابىستالعانىن دا ەسكە سالدى.
"قايرات قامالۇلىنىڭ جارقىن بەينەسٸ, عىلىمعا ادالدىعى, پاراسات-پايىمى مەن ەلگە سٸڭٸرگەن ٶلشەۋسٸز ەڭبەگٸ ەردايىم حالىق جادىندا ساقتالادى. ونىڭ ٶنەگەلٸ جولى كەيٸنگٸ بۋىن عالىمدارعا ٷلگٸ بولىپ, ەسٸمٸ قازاقستان عىلىمىنىڭ تاريحىندا مەڭگٸلٸك ورىن الادى", – دەپ جازدى مينيستر.
سٶز سوڭىندا ساياسات نۇربەك مارقۇمنىڭ جاتقان جەرٸ جايلى, توپىراعى تورقا, يمانى سالامات بولۋىن تٸلەپ, ارتىندا قالعان اعايىن-تۋىسى مەن جاقىندارىنا سابىر تٸلەدٸ.
