بٷگٸن «ٶنەر ورتالىعىندا» 28 ماۋسىم – بۇقارالىق اقپارات قۇرالدارى قىزمەتكەرلەرٸ كٷنٸنە ارنالعان «قاناتتى قالام – 2026» سالتاناتتى شاراسى ٶتتٸ. وعان وبلىس ەكٸمٸ مۇرات ەرگەشباەۆ, وبلىستىق مەسليحات تٶراعاسى مۇرات تلەۋمبەتوۆ, زييالى قاۋىم ٶكٸلدەرٸ مەن سالا ارداگەرلەرٸ قاتىستى, دەپ حابارلايدى dalanews.kz.
ايماق باسشىسى جۋرناليستەردٸ كەسٸبي مەرەكەمەن قۇتتىقتاپ, ٶڭٸردەگٸ باستامالار مەن جاڭاشىلدىقتاردى حالىققا شىنايى جەتكٸزۋدەگٸ ەڭبەكتەرٸن جوعارى باعالادى.
«بٷگٸن – مەرزٸمدٸ باسىلىمدار مەن تەلەارنالاردا, اقپاراتتىق اگەنتتٸكتەر مەن سايتتاردا قىزمەت ٸستەيتٸن شىعارماشىلىق ٶكٸلدەرٸنٸڭ, جۋرناليست جاساعان سيۋجەت پەن جازعان ماقالانىڭ جارىققا شىعۋىنا ەڭبەك سٸڭٸرەتٸن مامانداردىڭ مەرەيلٸ كٷنٸ.
مەرەكە قارساڭىندا پرەزيدەنتٸمٸز قاسىم-جومارت كەمەلۇلى بۇقارالىق اقپارات قۇرالدارى ٶكٸلدەرٸن اقوردا تٶرٸندە قابىلداپ, مەملەكەتتٸك ناگرادالار تابىستادى.
«Qyzylorda» تەلەارناسىنىڭ ارداگەرٸ قارابالا جاعىپپار امانجولۇلى «پاراسات» وردەنٸمەن ناگرادتالدى. بۇل – سىر جۋرناليستيكاسىنا بەرٸلگەن جوعارى باعا.
مەملەكەت باسشىسى: «جۋرناليستەر قاۋىمى – ەڭ الدىمەن قوعامنىڭ جارشىسى ەرٸ شىنايى جاناشىرى. سٸزدەر ەردايىم حالىقتىڭ كٶكەيٸندە جٷرگەن ٶزەكتٸ مەسەلەلەردٸ كٶتەرٸپ, جۇرت مٷددەسٸنە ادال قىزمەت ەتٸپ كەلەسٸزدەر. مەملەكەت سٸزدەردٸڭ ەرەن ەڭبەكتەرٸڭٸزدٸ جوعارى باعالايدى» دەپ ەرەكشە اتاپ ٶتتٸ.
ۇلتتىق جۋرناليستيكا تاريحىندا سىر ٶڭٸرٸنٸڭ ايرىقشا ورنى بار. عاسىرلىق بەلەسٸنە جاقىنداعان باسىلىمدار مەن تەۋەلسٸزدٸك جىلدارىندا شىققان گازەتتەر – ايماقتىڭ سىر-شەجٸرە ساندىعى. وبلىستىڭ تاريحى, ەلەۋمەتتٸك-ەكونوميكالىق دامۋى مەن مەدەني-رۋحاني جاڭعىرۋىنىڭ ايقىن دەرەككٶزٸ.
بيىل ايماعىمىزدىڭ جەتەكشٸ ارناسى – «Qyzylorda» تەلەارناسى 35 جىلدىق مەرەيتويىن اتاپ ٶتتٸ. تەلەارنا ٶڭٸرٸمٸزدەگٸ وقيعالار مەن اقپاراتتاردى جىلدام تاراتىپ, ەل ٶمٸرٸندەگٸ ساياسي ماڭىزدى جاڭالىقتاردىڭ جارشىسى بولىپ كەلەدٸ.
وتىز جىلعا جۋىق كٶرەرمەن كٶزايىمىنا اينالعان «قوعام تۆ» تەلەارناسىنىڭ دا اقپاراتتىق ساياساتتاعى ورنى ەرەكشە. ايماق تەلەۆيزيياسىنىڭ بٷگٸنگٸ بيٸگٸ – ٶتكەن مەن بٷگٸندٸ جالعاعان ارداگەرلەر ەڭبەگٸنٸڭ جەمٸسٸ. اقپارات ايدىنىندا ٶز قولتاڭباسىن قالدىرعان مايتالمان مامانداردىڭ تاباندىلىعى مەن قاجىرلى ەڭبەگٸ تەلەجۋرناليستيكا تاريحىندا لايىقتى ٸزٸن قالدىردى.
بٷگٸندە تاعىلىمدى جولدان ٶتٸپ, ۇستازدارىنىڭ ٶنەگەسٸن جالعاعان ماماندار ەلٸمٸزگە بەلگٸلٸ ٸرٸ مەدياحولدينگتەردە, تەلەارنالاردا ەڭبەك ەتٸپ, سىر جۋرناليستيكاسى مەكتەبٸنٸڭ مەرەيٸن ٷستەم ەتۋدە.
تەۋەلسٸزدٸك شەجٸرەسٸن, سىر ٶڭٸرٸنٸڭ جىلناماسىن, قالىپتاستىرۋداعى قاجىرلى ەڭبەكتەرٸڭٸز ٷشٸن سٸزدەرگە العىسىمدى بٸلدٸرەمٸن!», – دەدٸ مۇرات نەلقوجاۇلى.
كەشە اقوردا تٶرٸندە ٶتكەن رەسٸمدە مەملەكەت باسشىسى جۋرناليستەردٸ قولداۋعا, ەلەۋمەتتٸك جاعدايىن جاقسارتۋعا باسا مەن بەرٸلەتٸنٸن ايتقان ەدٸ. كەيٸنگٸ ٷش جىلدا استانا قالاسىندا عانا 200 جۋرناليست باسپانالى بولسا, ەندٸ بۇل باستامانىڭ اۋقىمى كەڭەيدٸ. پرەزيدەنت تاپسىرماسىمەن بيىل العاش رەت وبلىستاردا جۇمىس ٸستەيتٸن اقپارات سالاسىنىڭ 66 قىزمەتكەرٸنە پەتەر كٸلتٸ بەرٸلدٸ.
بٸزدٸڭ ايماقتا «سىر مەديا» سەرٸكتەستٸگٸ ديرەكتورىنىڭ ورىنباسارى ەزيز باتىربەكوۆكە جەنە «Qyzylorda» تەلەارناسىنىڭ تەلەوپەراتورى رامازان جٷسٸپبەككە پەتەر كٸلتتەرٸ تابىستالدى.
سالتاناتتى رەسٸمدە اقپارات سالاسىنىڭ دامۋىنا ەلەۋلٸ ٷلەس قوسقان قالام يەلەرٸ «پاراسات», «قۇرمەت» وردەندەرٸمەن, «ەرەن ەڭبەگٸ ٷشٸن» مەدالٸمەن, قر مەدەنيەت جەنە اقپارات مينيسترلٸگٸنٸڭ «ەڭبەك ارداگەرٸ», «اقپارات سالاسىنىڭ ٷزدٸگٸ» تٶسبەلگٸلەرٸمەن, قۇرمەت گراموتاسىمەن, قازاقستان جۋرناليستەر وداعىنىڭ «قازاقستاننىڭ قۇرمەتتٸ جۋرناليسٸ» اتاعىمەن, قر پرەمەر-مينيسترٸنٸڭ بٸرٸنشٸ ورىنباسارىنىڭ, پرەمەر-مينيسترٸنٸڭ ورىنباسارى – مەدەنيەت جەنە اقپارات مينيسترٸنٸڭ, وبلىس ەكٸمٸنٸڭ العىس حاتتارىمەن, قۇرمەت گراموتاسىمەن جەنە تٷرلٸ نوميناتسييالارمەن ماراپاتتالدى.
