ساياساتكەر ۋاليحان قايساروۆ ەكس-پرەزيدەنت نۇرسۇلتان نازارباەۆ ەل ٸشٸندەگٸ ساياسي ىقپالىنان تولىق ايىرىلدى دەپ ەسەپتەيدٸ. ونىڭ پٸكٸرٸنشە, جاڭا ساياسي قۇرىلىم پرەزيدەنت باستامالارىن قولداپ, قازٸرگٸ بيلٸكتٸڭ باعىتىن ٸلگەرٸلەتۋگە قىزمەت ەتەدٸ, دەپ حابارلايدى dalanews.kz.
قايساروۆتىڭ ايتۋىنشا, قازٸرگٸ جاعدايدا بۇرىنعى ساياسي جٷيەنٸڭ تٸرەگٸ سانالعان پارتييالار ەلسٸرەگەن. ول رەسمي دەرەك بويىنشا «امانات» پارتيياسىندا جٷزدەگەن مىڭ مٷشە بار ەكەنٸن, الايدا ولاردىڭ اراسىنان اشىق قارسى پٸكٸر ايتقاندار بايقالماعانىن اتاپ ٶتتٸ.
"توقاەۆ ٶز كٷشٸن كٶرسەتۋ كەرەك بولدى. ەيتپەسە, اينالدىرعان ەكٸ-اق ەدٸ عوي قالعانى. دەمەك, جۇمىسىن اياقتاپ كەتۋگە مٷمكٸندٸك بەرۋگە بولاتىن ەدٸ. بٸراق نازارباەۆ پەن ونىڭ جاقتاستارىنا سوققى جاساۋ ٷشٸن وسىلاي جاساپ وتىر. ەدەيٸ ەسكٸ "نۇر وتانعا" ٶزٸنٸڭ ورنىن كٶرسەتٸپ وتىر. ياعني, سەندەردٸڭ قولدارىڭنان تٷك تە كەلمەيدٸ, سەندەردٸڭ "كٶكەلەرٸڭ" جوق. بٸزدٸڭ ايتقانعا كٶنەسٸڭدەر دەپ. سوندىقتان بۇنى ەدەيٸ حالىققا كٶرسەتۋ, نازارباەۆ پەن جاقتاستارىنا كٶرسەتۋ دەپ قابىلداۋ كەرەك", – دەدٸ ۋاليحان قايساروۆ.
ساياساتكەردٸڭ پايىمىنشا, بۇعان دەيٸن بيلٸككە جاقىن بولعان بٸرقاتار ادامداردىڭ الداعى ۋاقىتتا ساياسي بولاشاعى بۇلىڭعىر بولۋى مٷمكٸن. ونىڭ ايتۋىنشا, جاڭا ساياسي كەزەڭدە ەسكٸ كادرلارعا دەگەن سەنٸم ازايعان.
قايساروۆ بۇرىنعى پارتييالىق جٷيەگە قاتىسى بار كەيبٸر ساياساتكەرلەرگە دە قاتىستى بولجام ايتتى. ونىڭ سٶزٸنشە, ازات پەرۋاشەۆتٸڭ تٶراعالىقتان كەتۋٸ دە وسىنداي ساياسي ٶزگەرٸستەرمەن بايلانىستى بولۋى ىقتيمال.
"پەرۋاشەۆ ەندٸ قاشادى قازاقستاننان. ٶيتكەنٸ سوڭىنان تٷسۋٸ مٷمكٸن. وعان جەمقورلىققا بايلانىستى, نازارباەۆتىڭ جٷيەسٸمەن تىعىز بايلانىسىنىڭ بولۋىنا بايلانىستى ەرٸ كٶپ اقپارات بٸلەدٸ. ول ٷلكەن كەسٸپورىنداردىڭ پارتيياسىن باسقاردى. كٶپ تەتٸكتەردٸ بٸلۋٸ مٷمكٸن. مەسەلەن, قارجىلاندىرۋ مەسەلەسٸن. سوندىقتان ول ەلگٸ جاعىمسىز كۋەگەر رەتٸندە, مەنٸڭشە, قاشىپ كەتۋٸ مٷمكٸن", – دەدٸ ساياساتكەر.
قايساروۆتىڭ پٸكٸرٸنشە, جاڭا قۇرامعا بۇرىنعىداي تەك دايىن مەتٸندٸ وقىپ بەرەتٸن ادامدار ەمەس, ناقتى وي ايتا الاتىن, كەسٸبي دەڭگەيٸ جوعارى تۇلعالار كەلۋٸ كەرەك.
ول سوڭعى جىلدارى پارلامەنتتە دەپۋتاتتاردىڭ كٶپشٸلٸگٸ ٶز ويىن ەركٸن جەتكٸزبەي, الدىن الا دايىندالعان مەتٸندٸ وقۋمەن شەكتەلگەنٸن سىنادى. ساياساتكەردٸڭ ايتۋىنشا, بۇل تەك بٸر پارتيياعا عانا ەمەس, جالپى ساياسي جٷيەگە تەن قۇبىلىس بولعان.
"سوڭعى 20 جىلدى الايىقشى, قاي دەپۋتات پارلامەنتتە قاعازدان وقىماي ويىن ايتتى. ونداي دەپۋتات جوق. تولىق قاعازدى وقيدى. ول ەۋ باستا باستالعان نەرسە عوي. پارتيياعا قارامايدى. اقجول ما, وسدپ ما دەپۋتاتقا كەلٸپ, قاعازدى قولىنا ۇستاتادى. سوسىن وقىتادى. مٸنە, وسىنى وقيسىڭ, دەيدٸ ٶزٸڭشە بولىپ. ول ٶز ٸشٸنەن شىققانداي قىلىپ وقيدى", – دەدٸ ۋاليحان قايساروۆ.
