Búgin QR Parlamenti Májilisi keshe ózderine ózgerister men túzetýler engizgen jańa Salyq kodeksiniń jobasyn maquldap, qol qoiý úshin ony Memleket basshysyna joldaǵanny belgili. Sonymen qujatta taǵy qandai ózgerister qamtyldy? Bul jaiynan Májilis depýtaty Ashat Aimaǵambetov tyń aqparattarmen bólisti, dep habarlaidy Dalanews.kz.
"Búgin qabyldanǵan Salyq kodeksinde bizdiń usynystarymyzdyń arqasynda birqatar mańyzdy ózgerister oryn aldy. Bul avtorlyq túzetýler halyqtyń áleýmettik jaǵdaiyn jaqsartýǵa baǵyttalǵan", dep jazdy Ashat Aimaǵambetov Telegram-daǵy arnasynda.
Sóitip ol tómendegi tizbekti alǵa tartty:
- Áleýmettik mańyzy bar dári-dármekter QQS-tan bosatylady.
Endi áleýmettik mańyzy bar aýrýlardy emdeýge arnalǵan dári-dármekterge QQS 0% mólsherlemesi qoldanylady. Bul sheshim – eń qajetti dári-dármekterdiń baǵasynyń qymbattaýyna jol bermeýge múmkindik beredi. Ol mysaly onkologiia, orfandyq aýrýlar, psihikalyq, diabet, sirek kezdesetin nemese aýtoimmýndyq jáne basqa da kóptegen aýrýlar boiynsha baǵa óspeý úshin mańyzdy sheshim boldy.
2. Áleýmettik mańyzy bar meditsinalyq qyzmetter de QQS-tan bosatylady.
Bul neni bildiredi? Dárigerge aqyly qyzmet alý úshin jazylsańyz, jasyratyny joq, MÁMS-tiń problemalaryna bailanysty biz kóbinese óz qaltamyzdan tólep dárigerlerge barýǵa májbúrmiz. Eger osy bastama bolmaǵanda, qymbattar edi. Endi arnaiy tizim boiynsha áleýmettik aýrýlarǵa shaldyqqandar úshin bul qyzmetter salyqqa bailanysty qymbattamaidy. Jasyratyny joq, bastapqyda biz barlyq meditsinalyq qyzmetter men barlyq dári-dármekterdi QQS-tan tolyq bosatýdy usyndyq. Sol sheshim tiimdirek edi. Alaida, talqylaýdan keiin osyndai sheshimge qol jetkizdik.
3. Taǵy bir jaqsy jańalyq: GOBMP jáne OSMS aiasyndaǵy barlyq meditsinalyq qyzmetter men dári-dármekter de tolyqtai QQS-tan bosatylady.
4. Qalǵan áleýmettik tizimge kirmegen dárilerge salynatyn salyqtyń ózi osy dárilerdi elge kirgizgende qansha sommaǵa satyp aldy, sosyn qalai qymbattatyp satyp jatyr degen suraqqa jaýap berýge múmkindik beredi. Densaýlyq saqtaý ministrligi osy baǵalardy kórip, asyra qymbattatpaýǵa múmkindik beredi. Óitkeni biz ony qazir kórmeimiz; sondyqtan osy baǵalardy baqylaý da qiyn. Osy turǵydan da tiimdiligi bolady, dárilerdiń baǵasyn baqylaýǵa kómektesedi dep oilaimyn.
5. Kitaptar endi QQS-tan bosatylady. Bul da mańyzdy sheshim. Bul jai ǵana tehnikalyq jeńildik emes. Bul — memlekettiń rýhaniiatqa degen qurmetiniń belgisi.
Eger balalar oqysyn desek, qazaq tildi ádebiet damysyn desek, baspa isi alǵa jyljysyn desek — kitapqa salyq salmaýymyz kerek. Endi kitappen shektelip qalmai, qazaqsha mýltfilm, balalar úiirmesi, teatr men mádeniet salasyna da ádiletti salyq saiasatyn jalǵastyrýymyz qajet. Ol usynysymyz ótpedi. Áli de jumys isteimiz osy baǵytta.
6. Qarjylyq qyzmetterge salyq salynbaidy. Eger banktik aýdarymdar men kartochka arqyly tólemderge QQS engizilse — halyq kúndelikti qoldanyp júrgen qarapaiym qyzmetter qymbattap ketýi múmkin edi. Mysaly, siz Halyq banktegi kartańyzdan Kaspi-ge aqsha aýdardyńyz — 200 teńge komissiia tóledińiz. Eger oǵan QQS qosylsa, taǵy 32 teńgege deiin qosylýy ábden múmkin. Bul, ásirese, jii aýdarym jasaityndar úshin aýyr bolar edi.
7. Endaýment qorlary boiynsha 100 paiyz salyqtyq alymdar. Endaýment qorlary áleýmettik jáne bilim berý salasyndaǵy uzaq merzimdi jobalardy qarjylandyrýda mańyzdy ról atqarady. Biz qaiyrymdylyqqa jumsalǵan somalardy salyqtan bosatýdy usyndyq. Bul azamattar men kompaniialardy qaiyrymdylyqqa qatysýǵa yntalandyrady.
8. Azamattardyń investitsiiadan túsetin dividendterge salyq salmaý. Bir jaǵynan, memleket halyqty "IPO-ǵa qatysyńdar", "KEGOC", "Eir Astana" siiaqty kompaniialardyń aktsiialaryn alyńyzdar dep shaqyryp jatyr. Ekinshi jaǵynan – sol aktsiialardan túsken shaǵyn tabysty salyqqa bailap qoimaq boldy. Bul qisynsyz. Biz qarsy boldyq.
Eger bul norma ótkende, jańa bastamasymen aktsiia satyp alyp jatqan adamdardyń ózine bul keri áserin tigizer edi. Endi bul jeńildik saqtalady.
9. Baspa basylymdaryna 16 paiyz salyq saldyrmai, ony 10% QQS-qa azaitý.
Otandyq baspa basylymdaryna jeńildikter bolady, QQS mólsherlemesi azaiady. Endi baspa ónimderine QQS tek 10%. Bul degenimiz – mektep gazetterinen bastap, aýdandyq jáne respýblikalyq jýrnaldarǵa deiingi barlyq baspa basylymdaryna naqty kómek.
Májilis depýtaty qabyldanbaǵan túzetýler de baryn, áli de bul baǵytta jumysty jalǵastyratyndaryn aitady. Atap aitqanda:
- Býkmekerlik keńseler men kazinolarǵa salyqty kóterý;
- Transmai qosylǵan ónimderge aktsiz engizý;
- Mádeniet, tarihi-mádeni mura jáne arnaiy áleýmettik qyzmetter salasyndaǵy uiymdardy KTS-ten tolyq bosatý;
- Densaýlyq saqtaý uiymdary úshin korporativtik tabys salyǵyn tómendetý;
- Ádebi, kórkem jáne ǵylymi shyǵarmalar úshin avtorlyq alymdarǵa salyq jeńildikterin berý;
- Kóptegen monopoliialarǵa arnalǵan salyqtyq jeńildikterdi joiý.
"Buǵan qosa Májiliste kóptegen basqa da óte mańyzdy ózgeristerdi Amanat fraktsiiasyndaǵy áriptesterim engizdi. Fraktsiianyń qoldaýymen úlken ózgerister oryn aldy. Osy oraida, Ekonomika ministrliginiń joǵary kásibilikpen júrgizgen jumysyn aitpai ketýge bolmaidy. S. Jumanǵarin myrza bastaǵan áriptester qiyn sheshimder qabyldai alatyndyqtaryn, óz kásibilikterin de kórsetti. Naqty pozitsiiasyn qorǵai alatyn ministrlerdiń jumysy mańyzdy. Sondyqtan bizdiń birshama túzetýlerimizdi qoldamasa da, biraz máselelermen kelispesek te, áriptesterimiz qurmetke laiyq", dep jazdy Ashat Aimaǵambetov.
Buǵan deiin
