Astanada Perizat Qairatqa tiesili tárkilengen páterler ákimdik balansyna qabyldanǵan jaǵdaida, olar qalanyń turǵyn úi qoryna ótkizilýi múmkin. Bul týraly elordadaǵy Aktivter jáne memlekettik satyp alý basqarmasy málimdedi, dep habarlaidy Dalanews.kz Bes.media-ǵa silteme jasap.
Perizat Qairattan Akbulak Riviera, Sensata Plaza, Highvill Ishim Gold jáne "Kók Jailaý" turǵyn úi keshenderindegi páterler men avtoturaq oryndary tárkilengen. Memlekettik múlik jáne jekeshelendirý departamentiniń dereginshe, atalǵan nysandar ákimdik balansyna berilýi tiis.
Alaida Astana ákimdigi ázirge bul páterlerdi qabyldaý týraly resmi qujat almaǵanyn habarlady.
"Qazirgi ýaqytta Astana qalasy Ádilet departamentinen Perizat Qairatqa qatysty tárkilengen páterlerdi qabyldaý jóninde basqarmaǵa hat túsken joq. Mundai hat kelip túsken jaǵdaida, múlik baǵalanyp, keiinnen Astana qalasynyń turǵyn úi qoryna beriledi", – delingen basqarma jaýabynda.
