استانادا پەريزات قايراتقا تيەسىلى تاركىلەنگەن پاتەرلەر اكىمدىك بالانسىنا قابىلدانعان جاعدايدا، ولار قالانىڭ تۇرعىن ءۇي قورىنا وتكىزىلۋى مۇمكىن. بۇل تۋرالى ەلورداداعى اكتيۆتەر جانە مەملەكەتتىك ساتىپ الۋ باسقارماسى مالىمدەدى، دەپ حابارلايدى Dalanews.kz Bes.media-عا سىلتەمە جاساپ.
پەريزات قايراتتان Akbulak Riviera، Sensata Plaza، Highvill Ishim Gold جانە "كوك جايلاۋ" تۇرعىن ءۇي كەشەندەرىندەگى پاتەرلەر مەن اۆتوتۇراق ورىندارى تاركىلەنگەن. مەملەكەتتىك مۇلىك جانە جەكەشەلەندىرۋ دەپارتامەنتىنىڭ دەرەگىنشە، اتالعان نىساندار اكىمدىك بالانسىنا بەرىلۋى ءتيىس.
الايدا استانا اكىمدىگى ازىرگە بۇل پاتەرلەردى قابىلداۋ تۋرالى رەسمي قۇجات الماعانىن حابارلادى.
"قازىرگى ۋاقىتتا استانا قالاسى ادىلەت دەپارتامەنتىنەن پەريزات قايراتقا قاتىستى تاركىلەنگەن پاتەرلەردى قابىلداۋ جونىندە باسقارماعا حات تۇسكەن جوق. مۇنداي حات كەلىپ تۇسكەن جاعدايدا، مۇلىك باعالانىپ، كەيىننەن استانا قالاسىنىڭ تۇرعىن ءۇي قورىنا بەرىلەدى"، – دەلىنگەن باسقارما جاۋابىندا.
