Áleýmettik jelide prodiýser Baian Alagýzova jariialaǵan jazbadan keiin «Qyz Jibek» filmindegi kostiýmge qatysty jaǵdai tekserilip jatyr, dep habarlaidy Dala News.
Mádeniet jáne aqparat ministrliginiń málimetinshe, «Qazaqfilm» kinostýdiiasynyń mýzei qorynda filmde paidalanylǵan bir túpnusqa kamzol saqtaýly.
Atalǵan eksponat ulttyq kinematografiianyń mańyzdy mádeni murasy retinde qorǵalady.
Al prodiýser atap ótken ekinshi kamzoldyń jeke adamdardyń qolyna qalai túskeni qazirgi ýaqytta anyqtalyp jatyr.
Vedomstvonyń málimetinshe, Qazaqfilm kinostýdiiasy tarihi qundylyǵy bar rekvizitter men kostiýmderdi jinaý, qalpyna keltirý jáne saqtaý jumystaryn júieli túrde júrgizip keledi.
Bul jumys ulttyq mádeni murany saqtap, keler urpaqqa jetkizýge baǵyttalǵan.
Sonymen qatar, kinostýdiia janynan zamanaýi talaptarǵa sai iri mýzei ashý josparlanyp otyr. Onda otandyq kino tarihyna qatysty biregei eksponattar qoiylady.
Ministrlik mádeni qundylyqtardy saqtaý men qorǵaý máselesine erekshe mán beriletinin atap ótti jáne qoǵamǵa ashyq ári naqty aqparat berýge daiyn ekenin málimdedi.
