Sherzat Bolattyń ólimine bailanysty úkim shyqqan soń, aiyptalýshylardyń basym bóligi apelliatsiialyq shaǵym bergen. Bul týraly jábirlenýshi taraptyń advokaty Meiirman Shekeev málimdedi, dep habarlaidy Dalanews.kz.
Advokattyń aitýynsha, 21 maýsym kúni sot úkimi zańdy kúshine engen. Sol kúnnen bastap, sondai-aq sottalýshylar úkimdi qoldaryna alǵan kúnnen keiingi 15 táýlik ishinde shaǵym túsirýge quqyqtary bar.
«Qazirdiń ózinde sottalýshylar men olardyń qorǵaýshylarynyń basym bóliginen apelliatsiialyq shaǵym kelip tústi. Tek Shyńǵys Belǵojaev pen kámeletke tolmaǵan Dýman Ysqaqtan basqa barlyq sottalýshy shaǵym túsirgen. Apelliatsiialyq sot otyrysynyń naqty kúni keiinirek habarlanady», – dedi qorǵaýshy.
Eske salaiyq, 5 maýsymda Talǵar aýdandyq sotynda kisi qolynan qaza tapqan jasóspirim Sherzat Polattyń ólimine qatysty úkim shyqqan bolatyn. Sot protsesin sýdia Erjan Januzaqov júrgizdi.
Sot úkimimen:
- Abzal Shynasyl – 23 jylǵa,
- Ravil Sakiev – 20 jylǵa,
- Azamat Toqtaýbaev – 15 jylǵa,
- Nurqiias Iliiasov – 9 jylǵa (buǵan deiingi 2,5 jyl shekteý jazasyn eskere otyryp),
- Shyńǵys Belǵojaev, Darhan Áskentai, Nurbol Toqtaýbaev, Didar Qaliahmet – árqaisysy 7 jylǵa sottaldy,
Al Dýman Ysqaq QR Qylmystyq kodeksiniń 434-baby (aýyr qylmys jasalǵanyn habarlamaý) boiynsha 1,5 jylǵa bas bostandyǵynan aiyryldy. Onyń izoliatordaǵy bir kúni eki kún retinde esepteletin boldy.
