شەرزات بولاتتىڭ ولىمىنە بايلانىستى ۇكىم شىققان سوڭ، ايىپتالۋشىلاردىڭ باسىم بولىگى اپەللياسيالىق شاعىم بەرگەن. بۇل تۋرالى جابىرلەنۋشى تاراپتىڭ ادۆوكاتى مەيىرمان شەكەيەۆ مالىمدەدى، دەپ حابارلايدى Dalanews.kz.
ادۆوكاتتىڭ ايتۋىنشا، 21 ماۋسىم كۇنى سوت ۇكىمى زاڭدى كۇشىنە ەنگەن. سول كۇننەن باستاپ، سونداي-اق سوتتالۋشىلار ۇكىمدى قولدارىنا العان كۇننەن كەيىنگى 15 تاۋلىك ىشىندە شاعىم تۇسىرۋگە قۇقىقتارى بار.
«ءقازىردىڭ وزىندە سوتتالۋشىلار مەن ولاردىڭ قورعاۋشىلارىنىڭ باسىم بولىگىنەن اپەللياسيالىق شاعىم كەلىپ ءتۇستى. تەك شىڭعىس بەلعوجايەۆ پەن كامەلەتكە تولماعان دۋمان ىسقاقتان باسقا بارلىق سوتتالۋشى شاعىم تۇسىرگەن. اپەللياسيالىق سوت وتىرىسىنىڭ ناقتى كۇنى كەيىنىرەك حابارلانادى»، – دەدى قورعاۋشى.
ەسكە سالايىق، 5 ماۋسىمدا تالعار اۋداندىق سوتىندا كىسى قولىنان قازا تاپقان ءجاسوسپىرىم شەرزات پولاتتىڭ ولىمىنە قاتىستى ۇكىم شىققان بولاتىن. سوت پروسەسىن سۋديا ەرجان جانۇزاقوۆ جۇرگىزدى.
سوت ۇكىمىمەن:
- ابزال شىناسىل – 23 جىلعا،
- راۆيل ساكييەۆ – 20 جىلعا،
- ازامات توقتاۋبايەۆ – 15 جىلعا،
- نۇرقياس ءىلياسوۆ – 9 جىلعا (بۇعان دەيىنگى 2،5 جىل شەكتەۋ جازاسىن ەسكەرە وتىرىپ)،
- شىڭعىس بەلعوجايەۆ، دارحان اسكەنتاي، نۇربول توقتاۋبايەۆ، ديدار قالياحمەت – ءارقايسىسى 7 جىلعا سوتتالدى،
ال دۋمان ىسقاق ق ر قىلمىستىق كودەكسىنىڭ 434-بابى (اۋىر قىلمىس جاسالعانىن حابارلاماۋ) بويىنشا 1،5 جىلعا باس بوستاندىعىنان ايىرىلدى. ونىڭ يزولياتورداعى ءبىر كۇنى ەكى كۇن رەتىندە ەسەپتەلەتىن بولدى.
