Qostanai oblysynyń Arqalyq qalasynda janýarlarǵa qatysty zańǵa engiziletin ózgeristerge qarsy miting ótkizýge ruqsat berildi, dep habarlaidy Dalanews.kz.
KazTAG málimetinshe, Arqalyq qalasy ákimdigi ishki saiasat bóliminiń qujatynda uiymdastyrýshynyń ótinishi qaralyp, 2026 jylǵy 18 sáýirde beibit jiyn ótkizýge kelisim berilgeni kórsetilgen. Bul týraly qujat kóshirmesin miting uiymdastyrýshylary redaktsiiaǵa usynǵan.
Jiyn Baitursynov kóshesi men Abai dańǵylynyń qiylysynda ótedi.
Eske salaiyq, 8 sáýirde Májilis “Janýarlarǵa jaýapkershilikpen qaraý týraly” zańǵa engiziletin túzetýlerdi birinshi oqylymda maquldaǵan edi. Atalǵan ózgeristerge sáikes, qaraýsyz júrgen itterdi arnaiy pýnktterde belgili bir merzim ustaǵannan keiin evtanaziia jasaýǵa ruqsat beriledi (qaraýsyz janýarlarǵa keminde 5 kún, al iesi bar bolýy múmkin janýarlarǵa 60 kúnge deiin).
Bul bastama janýarlardy qorǵaýshylar, belsendiler jáne qoǵam ókilderi arasynda úlken narazylyq týǵyzdy.
