Arman Dúisenovtiń áieli Aisulý Aidanqyzy kompozitordyń ólimi týraly aitty, dep habarlaidy Dalanews.kz.
Onyń sózinshe, kompozitor qaitys bolǵan sátte oǵan Imanmádi Kálelhanov habarlasqan.
"Imanmádi Kálelhanov habarlasyp, zaýytqa tez jetýimizdi surady. "Armaný ploho" dep aitty. Ne bolǵanyn surap edim, "tez jetińizder, jedel járdem kele jatyr" dedi. Zaýytqa jetkenimizde jedel járdem turdy. Ulym ekeýimiz ekinshi qabatqa kóterildik. Sol kezde Armannyń betin jaýyp tastaǵan. Ne bolǵanyn surap edim "júregi toqtap qalǵan" dedi. Onyń bári eshqandai jertólede emes, eki qabatty zaýyt aimaǵynda bolǵan", - deidi Aisulý Aidanqyzy jýrnalist Aman Tasyǵanǵa bergen suhbatynda.
Aita keteiik, 2023 jylǵy qańtarda kompozitor Arman Dúisenov kóz jumǵan edi.
"Bul jerge Arman ne úshin keldi?" dep suradym. Tań namazyna balalarmen dáret alyp kelgen. Sapqa turǵan kezde balalar Armannyń sapqa turmai, jatqanyn kórgen. Oiatsa oianbaǵan. Maǵan solai dep aityldy", - deidi Aisulý Aidanqyzy.
Imanmádi Kálelhanov - ánshi Indira Elemestiń burynǵy kúieýi.
Jaqynda Almatyda ánshi Indira Elemestiń burynǵy kúieýi jáne UQK-niń eks-basshysy Kárim Másimovtiń ákesi Qajymhan Másimovtyń seriktesi bolǵan Kálelhan Imanmádi alty jylǵa sottaldy.
Is materialdaryna sáikes, alaiaqtyqtyń bir epizody marqum kompozitor Arman Dúisenovke qatysty. 2018 jyly Dúisenov Imanmádige 20 myń fýnt sterling (shamamen 9 mln teńge) bergen. Bul qarajat qyzynyń Londonda oqý men turý aqysyn tóleýge arnalǵan. Imanmádi tólemdi óz ortalyǵy arqyly ótkizýge usynys jasap, «salyqtyq táýekelderdi boldyrmaý úshin» dep túsindirgen. Biraq ýniversitetke aqsha tolyq túspegen.
Sonymen qatar, ánshi Indira Elemes óz quqyǵynyń buzylǵanyn aityp, Prezidentke ashyq úndeý joldady. Ol 2018 jyldan beri balalarymen birge Almatydaǵy turǵyn úi kesheninde turyp jatqanyn jáne úsh páterdi jeke qarajatymen «RAMS» korporatsiiasynyń ruqsatymen satyp alǵanyn málimdedi.
