2024 jyldyń qorytyndysy boiynsha eki otandyq qor naryǵynyń indeksi aitarlyqtai ósti: KASE – 33%-ǵa, AIXQI - 28%-ǵa. Salystyryp kórý úshin myna tsifrlarǵa úńile ketsek: S & P500 - 23%, Nikkei - 19%, Shanghai - 13% jáne Stoxx600 indeksteri 5,9%-ǵa ósken, dep jazady Dalanews.kz.
"Qazaqstannyń qor naryqtarynyń ósimine birqatar qolaily ishki (joǵary dividendtik tólemder, bólshek saýda bazasynyń aǵyny, qolaily korporativtik jáne reitingtik oqiǵalar, el ishindegi turaqty jaǵdai) jáne syrtqy (syni táýekelderge degen joǵary tábet, monetarlyq sharttardyń jahandyq deńgeide jumsartylýy, shikizatqa degen salystyrmaly túrde joǵary baǵalar) faktorlar yqpal etti", - deidi Qazaqstan qarjygerleri qaýymdastyǵy.
Osy jaǵynan alǵanda, sarapshylardyń pikirinshe, aktsiialar depozitter men jyljymaityn múlikke qaraǵanda áldeqaida tiimdi ekenin tanytýda.
"Baǵalar men dividendtik tabystyń artýyn eskere otyryp, jergilikti naryqtaǵy táýekel quraldaryndaǵy paida normasy jinaqtaýshy quraldardyń (teńgelik depozitterdiń) kiristiliginen eki eseden, al investitsiialaýdyń dástúrli balamaly quraly (turǵyn úi naryǵy) kirisinen 10 esege (jańa turǵyn úidiń baǵasy tek 3%, ekinshi naryqtaǵy turǵyn úi naryǵynda - 4,2% - ǵa ósti) asyp tústi",- deidi sarapshylar.
Sondai-aq Qazaqstan qarjygerleri qaýymdastyǵy birinshi jartyjyldyqta aktsiialar boiynsha dividendter tólenedi dep kútiletinin,sondyqtan atalǵan kezeńde jergilikti baǵaly qaǵazdarǵa degen qyzyǵýshylyq joǵary bolatynyn eske salady.
Buǵan deiin saitymyzda "Birjada "Qazaqtelekom" aktsiialary kenetten qymbattap shyǵa keldi" degen maqala jariialanǵan.
