2024 جىلدىڭ قورىتىندىسى بويىنشا ەكى وتاندىق قور نارىعىنىڭ يندەكسى ايتارلىقتاي ءوستى: KASE – 33%-عا، AIXQI - 28%-عا. سالىستىرىپ كورۋ ءۇشىن مىنا سيفرلارعا ۇڭىلە كەتسەك: S & P500 - 23%، Nikkei - 19%، Shanghai - 13% جانە Stoxx600 يندەكستەرى 5،9%-عا وسكەن، دەپ جازادى Dalanews.kz.

"قازاقستاننىڭ قور نارىقتارىنىڭ وسىمىنە  ءبىرقاتار قولايلى ىشكى (جوعارى ديۆيدەندتىك تولەمدەر، بولشەك ساۋدا بازاسىنىڭ اعىنى، قولايلى كورپوراتيۆتىك جانە رەيتينگتىك وقيعالار، ەل ىشىندەگى تۇراقتى جاعداي) جانە سىرتقى (سىني تاۋەكەلدەرگە دەگەن جوعارى تابەت، مونەتارلىق شارتتاردىڭ جاھاندىق دەڭگەيدە جۇمسارتىلۋى، شيكىزاتقا دەگەن سالىستىرمالى تۇردە جوعارى باعالار) فاكتورلار ىقپال ەتتى"، - دەيدى قازاقستان قارجىگەرلەرى قاۋىمداستىعى.

وسى جاعىنان العاندا، ساراپشىلاردىڭ پىكىرىنشە، اكسيالار دەپوزيتتەر مەن جىلجىمايتىن مۇلىككە قاراعاندا الدەقايدا ءتيىمدى ەكەنىن تانىتۋدا.

"باعالار مەن ديۆيدەندتىك تابىستىڭ ارتۋىن ەسكەرە وتىرىپ، جەرگىلىكتى نارىقتاعى تاۋەكەل قۇرالدارىنداعى پايدا نورماسى جيناقتاۋشى قۇرالداردىڭ (تەڭگەلىك دەپوزيتتەردىڭ) كىرىستىلىگىنەن ەكى ەسەدەن، ال ينۆەستيسيالاۋدىڭ ءداستۇرلى بالامالى قۇرالى (تۇرعىن ءۇي نارىعى) كىرىسىنەن 10 ەسەگە (جاڭا تۇرعىن ءۇيدىڭ باعاسى تەك 3%، ەكىنشى نارىقتاعى تۇرعىن ءۇي نارىعىندا - 4،2% - عا ءوستى) اسىپ ءتۇستى"،- دەيدى ساراپشىلار.

سونداي-اق قازاقستان قارجىگەرلەرى قاۋىمداستىعى ءبىرىنشى جارتىجىلدىقتا اكسيالار بويىنشا ديۆيدەندتەر تولەنەدى دەپ كۇتىلەتىنىن،سوندىقتان اتالعان كەزەڭدە جەرگىلىكتى باعالى قاعازدارعا دەگەن قىزىعۋشىلىق جوعارى بولاتىنىن ەسكە سالادى.

بۇعان دەيىن سايتىمىزدا "بيرجادا "قازاقتەلەكوم" اكسيالارى كەنەتتەن قىمباتتاپ شىعا كەلدى" دەگەن ماقالا جاريالانعان.