Almaty oblysynda Aýyl sharýashylyǵy, tamaq jáne óńdeý ónerkásibi kúnine arnalǵan saltanatty shara ótti

Qonaev qalasynda Almaty oblysy Aýyl sharýashylyǵy, tamaq jáne óńdeý ónerkásibi kúni merekesi atalyp ótti. Is-sharaǵa 200-den astam aýyl sharýashylyǵy qyzmetkeri men mamandar qatysty. Mereke aýyl sharýashylyǵynyń mańyzyn nasihattap, sala qyzmetkerleriniń eńbegin baǵalaýǵa arnaldy, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.

Almaty oblysynyń ákimi Marat Sultanǵaziev saltanatta óńirdiń agroónerkásip kesheniniń jetistikterin atap ótip, aýyl sharýashylyǵynyń el azyq-túlik qaýipsizdigin qamtamasyz etýdegi rólin erekshe kórsetti. Ol aimaqtaǵy egin jáne mal sharýashylyǵy salasynda da ilgerileý bar ekenin aitty.

Mereke barysynda úzdik mekemeler men sharýa qojalyqtary marapattaldy. Úzdik qyzmetkerler men uiymdar memlekettik nagradalarmen jáne arnaiy syiaqylarmen marapattaldy:

- «Parasat» ordeni – 1 adam

- «Qurmet» ordeni – 1 adam

- «Eren eńbegi úshin» medali – 3 adam

- «Eńbek ardageri» medali – 5 adam

- «Aýyl sharýashylyǵy salasynyń úzdigi» tósbelgisi – 7 adam

Úzdik aýyl sharýashylyǵy taýar óndirýshileri:

- Qaita óńdeý kásiporyndary: 

   1 oryn – «Adal» AÓK JShS (800 000 teńge) 

   2 oryn – «Dáýlet Beket» JShS (700 000 teńge) 

   3 oryn – «Kók Teńiz» JShS (500 000 teńge) 

- Zańdy tulǵalar: 

   1 oryn – «Vladimir» JShS (YTO 804-8 traktory) 

   2 oryn – «Agrofirma «Kerýen» JShS (900 000 teńge) 

   3 oryn – «Firma Altai» JShS (600 000 teńge) 

- Sharýa qojalyqtary: 

   1 oryn – «Oljas» ShQ (YTO 804-8 traktory) 

   2 oryn – «BeeQueen» ShQ (900 000 teńge) 

   3 oryn – «Islam» ShQ (600 000 teńge) 

Aýyl sharýashylyǵy jármeńkelerin uiymdastyrýdaǵy belsendiligi úshin*: 

- Aýdandar arasynda: 

   1 oryn – Kegen aýdany (700 000 teńge) 

   2 oryn – Eńbekshiqazaq aýdany (500 000 teńge) 

   3 oryn – Qarasai aýdany (400 000 teńge) 

- Aýyldyq okrýgter arasynda: 

   1 oryn – Quiǵan aýyldyq okrýgi, Balqash aýdany (600 000 teńge) 

   2 oryn – Aidarly aýyldyq okrýgi, Jambyl aýdany (500 000 teńge) 

   3 oryn – Panfilov aýyldyq okrýgi, Talǵar aýdany (300 000 teńge) 

Sharanyń sońynda óńir basshysy aýyl sharýashylyǵy qyzmetkerlerine alǵys aityp, salanyń damýyna qosqan úlesterin atap ótti.