Astanada qarjy sektoryndaǵy jáne sıfrlyq ortadaǵy alaıaqtyqqa qarsy is-qımylǵa arnalǵan salalyq alań – AntiFraud Forum Kazakhstan sharasy ótedi, dep habarlaıdy Dalanews.kz.

Oǵan bankterdiń top-menedjerleri, qarjy tehnologıasy kompanıalarynyń, retteýshi organdardyń ókilderi jáne kıberqaýipsizdik sarapshylary qatysady. Talqylanatyn negizgi taqyryptar – qarjy ınstıtýttarynyń shabýyldarǵa tózimdiligi, antıfrod-tehnologıalardy engizý jáne salaaralyq yntymaqtastyqty damytý.

Qatysýshylar naqty keısterdi, táýekelderdi basqarý tásilderin, sondaı-aq kúmándi operasıalardy anyqtaýda derekter men taldaýdyń rólin qarastyrady.

Bıznes pen memleket arasyndaǵy ózara is-qımylǵa jáne alaıaqtyqqa qarsy biryńǵaı júıe qalyptastyrýǵa erekshe nazar aýdarylady.

Atalǵan alań qarjy qyzmetterine degen senimdi arttyrýǵa jáne tutynýshylardy qorǵaýǵa baǵyttalǵan naqty sheshimderdi ázirleýge múmkindik beredi.