استانادا قارجى سەكتورىنداعى جانە سيفرلىق ورتاداعى الاياقتىققا قارسى ءىس-قيمىلعا ارنالعان سالالىق الاڭ – AntiFraud Forum Kazakhstan شاراسى وتەدى، دەپ حابارلايدى Dalanews.kz.
وعان بانكتەردىڭ توپ-مەنەدجەرلەرى، قارجى تەحنولوگياسى كومپانيالارىنىڭ، رەتتەۋشى ورگانداردىڭ وكىلدەرى جانە كيبەرقاۋىپسىزدىك ساراپشىلارى قاتىسادى. تالقىلاناتىن نەگىزگى تاقىرىپتار – قارجى ينستيتۋتتارىنىڭ شابۋىلدارعا توزىمدىلىگى، انتيفرود-تەحنولوگيالاردى ەنگىزۋ جانە سالاارالىق ىنتىماقتاستىقتى دامىتۋ.
قاتىسۋشىلار ناقتى كەيستەردى، تاۋەكەلدەردى باسقارۋ تاسىلدەرىن، سونداي-اق كۇماندى وپەراسيالاردى انىقتاۋدا دەرەكتەر مەن تالداۋدىڭ ءرولىن قاراستىرادى.
بيزنەس پەن مەملەكەت اراسىنداعى ءوزارا ءىس-قيمىلعا جانە الاياقتىققا قارسى ءبىرىڭعاي جۇيە قالىپتاستىرۋعا ەرەكشە نازار اۋدارىلادى.
اتالعان الاڭ قارجى قىزمەتتەرىنە دەگەن سەنىمدى ارتتىرۋعا جانە تۇتىنۋشىلاردى قورعاۋعا باعىتتالعان ناقتى شەشىمدەردى ازىرلەۋگە مۇمكىندىك بەرەدى.
