Almaty qalasynda er adamnyń jedel járdem qyzmetkerlerine pyshaqpen shabýyl jasaǵany videoǵa túsip, áleýmettik jelilerde tarady, dep habarlaidy Dalanews.kz.
Oqiǵa kezinde meditsina qyzmetkerleri shaqyrtý boiynsha naýqastyń úiine barǵan. Alaida olardy mas kúidegi er adam qarsy alyp, agressivti áreket tanytyp, pyshaqpen qorqyta bastaǵan. Málimetterge sáikes, ol dárigerlerdi páterde qamap ustap, keiin olar syrtqa shyqqan kezde qýyp, pyshaqpen qoqan-loqy kórsetken.
Dárigerler qaýipsizdik úshin jedel járdem kóligine kirip, politsiia shaqyrýǵa májbúr bolǵan.
Politsiianyń habarlaýynsha, kúdikti naýqastyń uly bolyp shyqty. Ol oqiǵa ornynda mas kúiinde bolyp, ainalasyndaǵylarǵa qaýip tóndirgen.
Atalǵan derek boiynsha Qylmystyq kodekstiń 380-3-baby – meditsina qyzmetkerlerine qatysty qorqytý nemese zorlyq-zombylyq kórsetý faktisimen qylmystyq is qozǵaldy. Iste eki jábirlenýshi – dáriger men feldsher bar. Kúdiktiniń kinási dáleldense, oǵan 2 jyldan 3 jylǵa deiin bas bostandyǵynan aiyrý jazasy taǵaiyndalýy múmkin.
Kúdikti ustalyp, ýaqytsha ustaý izoliatoryna qamaldy. Qazirgi ýaqytta tergeý amaldary júrgizilýde.
