Reseidiń Syrtqy barlaý qyzmeti Ýkraina Qarýly kúshteri Resei aýmaǵyna jańa shabýyldar daiyndap jatyr dep málimdedi, dep habarlaidy dalanews.kz.
Vedomstvonyń baspasóz biýrosy taratqan aqparatqa sáikes, Kiev Eýropadaǵy seriktesterine Ýkraina armiiasynyń áskeri áleýetin jáne Resei ekonomikasyna soqqy berý múmkindigin saqtap otyrǵanyn kórsetýge múddeli.
Resei tarapynyń málimetinshe, Ýkraina tek Baltyq elderi bergen áýe dálizderin paidalanýmen shektelmei, ushqyshsyz apparattardy osy memleketterdiń aýmaǵynan ushyrýdy da josparlap otyr.
Málimdemede Latviia biligi operatsiiaǵa kelisim berdi degen pikir aitylyp, ýkrainalyq áskeri qyzmetkerler eldegi birneshe áskeri bazaǵa ornalastyrylǵany kórsetilgen.
Sonymen qatar Resei barlaý qyzmeti qazirgi barlaý quraldary ushqyshsyz apparattardyń ushyrylǵan núktelerin anyqtaýǵa múmkindik beretinin atap ótti.
Sondai aq málimdemede NATO músheligi mundai áreketterge qatysy bar taraptardy yqtimal jaýaptan qorǵamaidy degen eskertý de aitylǵan.
Ázirge bul aqparatqa Ýkraina, Latviia nemese NATO tarapynan resmi jaýap jariialanǵan joq. Málimdemede keltirilgen derekter táýelsiz kózder arqyly rastalmaǵan.
