رەسەيدٸڭ سىرتقى بارلاۋ قىزمەتٸ ۋكراينا قارۋلى كٷشتەرٸ رەسەي اۋماعىنا جاڭا شابۋىلدار دايىنداپ جاتىر دەپ مەلٸمدەدٸ, دەپ حابارلايدى dalanews.kz.
ۆەدومستۆونىڭ باسپاسٶز بيۋروسى تاراتقان اقپاراتقا سەيكەس, كيەۆ ەۋروپاداعى سەرٸكتەستەرٸنە ۋكراينا ارميياسىنىڭ ەسكەري ەلەۋەتٸن جەنە رەسەي ەكونوميكاسىنا سوققى بەرۋ مٷمكٸندٸگٸن ساقتاپ وتىرعانىن كٶرسەتۋگە مٷددەلٸ.
رەسەي تاراپىنىڭ مەلٸمەتٸنشە, ۋكراينا تەك بالتىق ەلدەرٸ بەرگەن ەۋە دەلٸزدەرٸن پايدالانۋمەن شەكتەلمەي, ۇشقىشسىز اپپاراتتاردى وسى مەملەكەتتەردٸڭ اۋماعىنان ۇشىرۋدى دا جوسپارلاپ وتىر.
مەلٸمدەمەدە لاتۆييا بيلٸگٸ وپەراتسيياعا كەلٸسٸم بەردٸ دەگەن پٸكٸر ايتىلىپ, ۋكراينالىق ەسكەري قىزمەتكەرلەر ەلدەگٸ بٸرنەشە ەسكەري بازاعا ورنالاستىرىلعانى كٶرسەتٸلگەن.
سونىمەن قاتار رەسەي بارلاۋ قىزمەتٸ قازٸرگٸ بارلاۋ قۇرالدارى ۇشقىشسىز اپپاراتتاردىڭ ۇشىرىلعان نٷكتەلەرٸن انىقتاۋعا مٷمكٸندٸك بەرەتٸنٸن اتاپ ٶتتٸ.
سونداي اق مەلٸمدەمەدە ناتو مٷشەلٸگٸ مۇنداي ەرەكەتتەرگە قاتىسى بار تاراپتاردى ىقتيمال جاۋاپتان قورعامايدى دەگەن ەسكەرتۋ دە ايتىلعان.
ەزٸرگە بۇل اقپاراتقا ۋكراينا, لاتۆييا نەمەسە ناتو تاراپىنان رەسمي جاۋاپ جارييالانعان جوق. مەلٸمدەمەدە كەلتٸرٸلگەن دەرەكتەر تەۋەلسٸز كٶزدەر ارقىلى راستالماعان.
