Áleýmettik jeliler men beınehostıngterde taralyp jatqan zeınetaqy tólemderinen 20% ustap qalý engizildi degen aqparat shyndyqqa janaspaıdy, dep habarlaıdy Dalanews.kz.
Eńbek mınıstrliginiń málimetinshe, belgisiz tulǵalar deepfake tehnologıalaryn paıdalana otyryp, zeınetaqy tólemderi 20%-ǵa qysqartylady degen jalǵan málimeti bar beınerolıkter taratyp jatyr.
2026 jylǵy 1 qańtardan bastap bazalyq jáne yntymaqty zeınetaqy mólsheri QR Ulttyq Banki aıqyndaıtyn ınflásıanyń boljamdy deńgeıine sáıkes 10%-ǵa arttyryldy.
Sonymen qatar Memleket basshysynyń tapsyrmasyna sáıkes, 2023 jyldan bastap bes jyl ishinde jyl saıyn kezeń-kezeńimen eń tómengi bazalyq zeınetaqy mólsheri eń tómen kúnkóris deńgeıiniń 70%-yna deıin, al eń joǵary mólsheri 120%-yna deıin ulǵaıtylýda.
Osylaısha, 2026 jylǵy 1 qańtardan bastap bazalyq zeınetaqynyń eń tómengi mólsheri 35 596 teńge (kúnkóris deńgeıiniń 70%-y), al eń joǵary mólsheri kúnkóris deńgeıiniń 110%-ynan 118%-yna deıin ulǵaıtylyp, 60 005 teńge boldy.
Eńbek mınıstrligi tek resmı aqparat kózderine senýge shaqyryp, qasaqana jalǵan aqparat taratqany úshin zańnamaǵa sáıkes jaýapkershilik kózdelgenin eskertti.
