Elordadaǵy «Jastar» saraiynda «Stýdenttik ózin-ózi basqarý» jobasy aiasynda ótken baiqaýdyń jeńimpazdary marapattaldy, – dep habarlaidy Dalanews.kz Astana qalasy ákiminiń baspasóz qyzmetine silteme jasap.
«Astana jastary» jastar resýrstyq ortalyǵy uiymdastyrǵan marapattaý rásimi bastalǵanǵa deiin zamanaýi bi, halyq bii, ulttyq aspaptarda oinaý jáne vokal siiaqty nominatsiialar boiynsha baiqaýlar ótti. Atalmysh is-sharaǵa elordalyq JOO stýdentteri belsene qatysty.
– Mundai is-sharalar jastardyń ózara qarym-qatynasyn nyǵaityp, netvorking ornatýyna jáne kóshbasshylyq qasietterin tanytýyna yqpal etedi. Sondai-aq, olardyń sportqa, belsendi ómir saltyna degen qyzyǵýshylyǵy artatyn bolady. Osylaisha turaqty negizde uiymdastyrylatyn is-sharalar arqyly elordalyq jastarǵa jii bas qosyp, jańa ideialardy ortaǵa tastap, ony júzege asyrýda birlese is-áreket isteýge, solaisha dami túsýge jol ashylmaq, – dedi Astana qalasynyń máslihat depýtaty Arslanbek Maǵzum.
Shyǵarmashylyq baiqaýlar aiaqtalǵan soń jeńimpazdardy saltanatty marapattaý sáti bastaldy.
– Is-sharanyń negizgi maqsaty – Astana jastaryn biriktirý. Munda elordalyq stýdentter ózderin tanytyp qana qoimaidy, sonymen birge oqý oryndarynyń abyroiyn asqaqtatýǵa úles qosady. Marapattaý rásimi óz deńgeiinde ótti dep oilaimyn. Barlyq jeńimpaz alǵys hattar men qarjylai syilyqtar, al sportshylar kýboktar men medaldarǵa ie boldy, – dedi «Astana jastary» jastar resýrstyq ortalyǵynyń qyzmetkeri Kamilla Muqataeva.
Jeńimpazdardy atap aitsaq, fýtboldan jáne voleiboldan APEMS komandasy, tennisten L.Gýmilev atyndaǵy Eýraziia ulttyq ýniversiteti, basketboldan S.Seifýllin atyndaǵy Qazaq agrotehnikalyq zertteý ýniversiteti stýdentteri 1-oryndy jeńip aldy. Al aspaptarda oinaý men vokal boiynsha Qazaq ulttyq óner ýniversiteti, zamanýi biden Esil University, halyq biinen Astana international university stýdentteri 1-oryndy ielendi.
