Aqtóbe óńirinde ekologiialyq sanany qalyptastyrýǵa baǵyttalǵan aýqymdy bastamalar jalǵasýda. Biyl 30 naýryz – Halyqaralyq qaldyqsyz kún. Ataýly dataǵa orai, sondai-aq, Prezident Qasym-Jomart Toqaev bastamashy bolǵan «Taza Qazaqstan» jalpyulttyq jobasynyń aiasynda oblystyń bilim berý uiymdarynda “Qaldyqsyz qoǵam” aktsiiasy ótip, oqýshylar, ustazdar men ata-analardy ortaq maqsatqa jumyldyrdy, dep habarlaidy Dalanews.kz.
Aktsiianyń basty maqsaty – jas urpaqtyń ekologiialyq mádenietin arttyrý, tabiǵatqa janashyrlyq kózqaras qalyptastyrý jáne turmystyq qaldyqtarǵa jaýapkershilikpen qaraýdy úiretý.
Oblystyq bilim basqarmasynyń málimetinshe, óńir mektepterinde “Qaldyqsyz ómir – jarqyn bolashaq”, “Taza tabiǵat – taza bolashaq” taqyryptarynda synyp saǵattary ótkizilip, oqýshylarǵa qaldyqtardy suryptaý men qaita óńdeýdiń mańyzy jan-jaqty túsindirildi. Bul tek teoriialyq túsindirýmen shektelmei, naqty is-sharalarmen tolyqty.
Mektep aýmaqtarynda senbilikter uiymdastyrylyp, oqýshylar qaǵaz, plastik jáne ózge de turmystyq qaldyqtardy bólek jinaýǵa belsendi qatysty. Bilim ordalarynda arnaiy suryptaý jáshikteri ornatylyp, ekologiialyq mádenietti nasihattaýǵa arnalǵan kórmeler, baiqaýlar men chellendjder ótti.
Bul bastamaǵa tek oqýshylar ǵana emes, muǵalimder men ata-analar da belsendi aralasty. Osyndai birlesken áreket qoǵamda ekologiialyq jaýapkershiliktiń artyp kele jatqanyn kórsetedi.
“Qaldyqsyz qoǵam” aktsiiasy – bir kúndik shara ǵana emes, turaqty daǵdy qalyptastyrýǵa baǵyttalǵan mańyzdy qadam. Sebebi búgingi tazalyq – erteńgi urpaqtyń jarqyn bolashaǵy.
