Qazaqstanda AIRAN jobasy jumysyn toqtatatynyn málimdedi, dep habarlaidy Dalanews.kz.
"Airan media" 13 naýryzdan beri kontent jariialaýdy toqtatqan edi. Komanda osy ýaqyt ishinde jaǵdaidy retteýge tyrysqanymen, nátije bolmaǵan.
Búgin joba jetekshisi resmi málimdeme jasap, jumysty jalǵastyrý múmkin emes ekenin aitty. Onyń sózinshe, komanda óz ustanymynan taimaýǵa tyrysqan, alaida qazirgi jaǵdai oǵan múmkindik bermegen. Sonymen qatar, ol bul sheshimge qandai da bir oqiǵa sebep bolmaǵanyn atap ótti.
Komanda kórermenge, ásirese, qiyn sátte qoldaý bildirgen jandarǵa alǵys aitty. AIRAN MEDIA ókilderiniń aitýynsha, aýditoriia tarapynan bul jaǵdaiǵa qatysty túrli pikir bolǵan: biri alańdasa, endi biri joba jabylǵanyna qýana qaraǵan.
Joba ókilderi ártúrli kózqaras bolýy qoǵam úshin zańdy qubylys ekenin de jetkizdi.
