"ايران مەديا" 13 ناۋرىزدان بەرى كونتەنت جاريالاۋدى توقتاتقان ەدى. كوماندا وسى ۋاقىت ىشىندە جاعدايدى رەتتەۋگە تىرىسقانىمەن، ناتيجە بولماعان.

بۇگىن جوبا جەتەكشىسى رەسمي مالىمدەمە جاساپ، جۇمىستى جالعاستىرۋ مۇمكىن ەمەس ەكەنىن ايتتى. ونىڭ سوزىنشە، كوماندا ءوز ۇستانىمىنان تايماۋعا تىرىسقان، الايدا قازىرگى جاعداي وعان مۇمكىندىك بەرمەگەن. سونىمەن قاتار، ول بۇل شەشىمگە قانداي دا ءبىر وقيعا سەبەپ بولماعانىن اتاپ ءوتتى.

كوماندا كورەرمەنگە، اسىرەسە، قيىن ساتتە قولداۋ بىلدىرگەن جاندارعا العىس ايتتى. AIRAN MEDIA وكىلدەرىنىڭ ايتۋىنشا، اۋديتوريا تاراپىنان بۇل جاعدايعا قاتىستى ءتۇرلى پىكىر بولعان: ءبىرى الاڭداسا، ەندى ءبىرى جوبا جابىلعانىنا قۋانا قاراعان.

جوبا وكىلدەرى ءارتۇرلى كوزقاراس بولۋى قوعام ءۇشىن زاڭدى قۇبىلىس ەكەنىن دە جەتكىزدى.