SCAT áýekompaniiasy jańa halyqaralyq baǵyttyń — Astanadan Mońǵoliia astanasy Ulan-Batorǵa tikelei reisterdiń iske qosylǵanyn habarlaidy. Alǵashqy reis 2 maýsymda oryndalady, al biletter qazirdiń ózinde scat.kz saitynda jáne áýe biletterin satatyn kez kelgen yńǵaily resýrstarda brondaýǵa qoljetimdi, dep habarlaidy Dalanews.kz.
Ushý kestesi:
- Astana (NQZ) – Ulan-Bator (UBN) — seisenbi jáne juma kúnderi
- Ulan-Bator (UBN) – Astana (NQZ) — sársenbi jáne senbi kúnderi
Reister zamanaýi áýe kemelerimen oryndalady. Yńǵaily keste men ushý jiiligi jańa baǵytty týristik saparlar úshin de, iskerlik saparlar úshin de barynsha qolaily etedi.
Jańa baǵyt — jańa múmkindikter
Astana – Ulan-Bator baǵytynyń ashylýy SCAT áýekompaniiasynyń halyqaralyq marshrýttyq jelisin keńeitýdegi jáne Qazaqstan men Mońǵoliia arasyndaǵy áýe qatynasyn damytýdaǵy mańyzdy qadam.
Qazaqstandyq jolaýshylar úshin bul Aziianyń jańa, jarqyn ári biregei baǵytyn jyldam ári yńǵaily túrde ashýǵa múmkindik. Al Mońǵoliiadan keletin jolaýshylar úshin Astana Qazaqstan ishinde jáne odan tys baǵyttarǵa ári qarai ushýǵa qolaily tranzittik torapqa ainalady.
Jańa marshrýttyń iske qosylýy SCAT Airlines-tiń tranzittikáleýetin arttyryp, ushý geografiiasyn keńeitedi jáne halyqaralyq saparlardy burynǵydan da qoljetimdi etedi.
Ulan-Bator — jańa áserler izdeitinderge arnalǵan baǵyt
Ulan-Bator — ejelgi dástúrler, kóshpeli mádeniet jáne zamanaýi qalalyq ómirdiń biregei úilesimi. Munda shynaiyAziia atmosferasyn sezinip, Mońǵoliianyń tarihymen tanysyp, býddistik monastyrlardy aralap, saiahattyń múlde jańa formattaryn asha alasyz.
Qalanyń basty kórikti jerleri qatarynda Gandan monastyry, Súhbaatar alańy jáne eldiń bai tarihyn beineleitin murajailar bar. Sonymen qatar Ulan-Bator Mońǵoliianyń sheksiz dalasyna, onyń ishinde áigili Gobi shóline saiahat jasaýǵa bastaý núktesi bolyp sanalady.
Jańa baǵyt erekshe marshrýttardy, aýtenttilikti jáne jarqyn áserlerdi baǵalaityn jolaýshylarǵa óte qolaily.
Biletti qalai brondaýǵa bolady
Biletterdi scat.kz resmi saitynda, SCAT Airlines mobildi qosymshasynda, sondai-aq kez kelgen yńǵaily onlain-platformalarda jáne qalańyzdaǵy aviakassalarda brondaýǵa bolady.
SCAT Airlines jolaýshylarǵa jańa baǵyttar, jańa áserler jáne jaily ushýlar úshin jańa múmkindikter usynyp, saiahat kókjiegin keńeitýdi jalǵastyrýda.
