«Ksell» AQ (Kcell jáne activ brendteri) 2025 jyldyń IV toqsany men jyldyq jumysynyń qorytyndysyn jarıalady. Kompanıa tabysyn 8,6%-ǵa arttyryp, 262 mlrd teńgege jetkizdi. Bul ósim tarıfterdiń baǵasyn aıtarlyqtaı ózgertýsiz qamtamasyz etildi, dep habarlaıdy Dalanews.kz.
Operasıalyq tıimdilik oń dınamıka kórsetti: EBITDA kórsetkishi 15,7%-ǵa artyp, 106,6 mlrd teńgeni qurady, al tabys deńgeıi 40,7%-ǵa jetti. Taza paıda 38,9%-ǵa ulǵaıyp, 14,1 mlrd teńgeni qurady. Sonymen qatar kompanıa jelini damytýǵa iri kólemde ınvestısıa salýdy jalǵastyrýda: kapıtaldyq shyǵyndar jyl qorytyndysy boıynsha 102,8 mlrd teńgege jetti.
Kompanıanyń bıznes kórsetkishteriniń ósýi, onyń ishinde, paıdalanýshylardyń tutyný daǵdysynyń ózgerýimen baılanysty. Abonenttik baza 8,8%-ǵa ósip, 8,67 mln klıentke jetti. Mobıldi ınternet-trafık kólemi 66,6%-ǵa artyp, 1439 PB-dy qurady. Bir abonenttiń ortasha derek tutynýy 43,8%-ǵa ósip, aıyna 21,5 GB-ǵa jetti.
Tutynýdyń artýyna qaramastan, ARPU kórsetkishi qalypty deńgeıde saqtalyp, 1834 teńgeni (+0,8%) qurady. Bul kórsetkish kompanıanyń abonentter úshin qyzmetterdiń qoljetimdiligin saqtaý saıasatyn aıǵaqtaıdy. Jelide 4G/5G-smartfondardyń úlesi 82,9%-ǵa jetti.
Kompanıa ósiminiń negizgi draıverleriniń biri – 5G tehnologıasy. 5G-ǵa beıimdelgen qurylǵylardyń úlesi 34,6%-ǵa jetip, jyldyq ósim 7,2 paıyzdyq tarmaqty qurady. Iaǵnı jelidegi árbir úshinshi qurylǵy besinshi býyn tehnologıasyn qoldaıdy. 5G paıdalanýshylary 4G abonentterine qaraǵanda 128%-ǵa kóp trafık tutynady jáne ARPU deńgeıi 126%-ǵa joǵary.
Ósimge jańa bıznes baǵyttary da úles qosýda. 5G FWA (bekitilgen symsyz baılanys) segmentinde tabys 235%-ǵa artty, belsendi paıdalanýshylar sany 147%-ǵa kóbeıdi, jalpy trafık tutynýy da 147%-ǵa ulǵaıdy.
Qurylǵylar bıznesinde kelisimsharttyq telefondardan túsken tabys 17%-ǵa ósti, belsendi kelisimsharttyq qurylǵylar sany 40%-ǵa kóbeıdi. Bul baǵyttaǵy jıyntyq tabys 11%-ǵa artty.
B2B segmentinde ósim sıfrlyq sheshimder esebinen júzege asty: IoT segmentiniń tabysy 20%-ǵa, belsendi klıenttik baza 16,8%-ǵa, Big Data sheshimderiniń túsimi jyldyq eseppen 22,5%-ǵa artty.
Kompanıa jelilik ınfraqurylymdy damytýdyjalǵastyrýda. 2025 jyldyń sońynda 5G bazalyq stansıalarynyń sany 1774-ge jetti, onyń 812-i – jelini birlesip paıdalaný jobasy aıasynda ornatylǵan. 5G qyzmetteri Qazaqstan boıynsha 2586 lokasıada qoljetimdi.
Aýyldyq eldi mekenderde de qamtý aıtarlyqtaı keńeıýde: jyl ishinde 965 bazalyq stansıa iske qosylyp, 592 aýylda 4G qyzmeti qoljetimdi boldy. Jeli qoljetimdiliginiń jalpy deńgeıi 3G boıynsha 93,89%, 4G boıynsha 86,01%, 5G boıynsha 53,54%-dy qurady.
Joǵary ınvestısıalyq júktemege qaramastan, kompanıanyń qarjylyq turaqtylyǵy saqtalyp otyr: taza qaryz / EBITDA kórsetkishi 1,58 deńgeıinde boldy.
«2025 jyldyń qorytyndysy negizgi kórsetkishterdiń turaqty ósimin jáne operasıalyq tıimdiliktiń nyǵaıýyn kórsetedi. Biz úshin bul ósimniń naryqtaǵy jalpy úrdisten aıyrmashylyǵy – tarıfterdi arttyrý esebinen emes, 5G ınfraqurylymyn damytý, sıfrlyq servısterdi jetildirý, mobıldi ınternet tutynýyn ulǵaıtý jáne ónimdik jelini keńeıtý nátıjesinde qamtamasyz etilýi mańyzdy.
2026 jyly kompanıa ınfraqurylymdy keńeıtý, qamtý aımaǵyn arttyrý jáne B2C pen B2B segmentterine arnalǵan suranysqa ıe sheshimderdi ázirleýdi jalǵastyrady. Biz jelige salynatyn ınvestısıalardy uzaq merzimdi ósimniń negizgi tuǵyry dep sanaımyz. Basty mindetimiz – elimizdiń barlyq óńirinde klıentterdi joǵary jyldamdyqty ári sapaly uıaly ınternetpen qamtamasyz etý», - deıdi «Ksell» AQ Basqarma Tóraǵasy Asqar Jambakın.
Aıta keteıik, Kcell - sıfrlyq telekomýnıkasıalyq qyzmetterdi: mobıldi baılanys pen ornyqty baılanystyń (FMC) konvergenttik qyzmetterin, derekterdi berý jáne ınternetke qol jetkizýdi, qarjylyq servısterdi, sıfrlyq servıster men mobıldi qosymshalardy, júıelik ıntegrasıany, zattardyń ınternetin, mashınaaralyq ózara is-qımyldy (machinetomachine), úlken derekterdi jınaý jáne óńdeý jáne bulttyq esepteýler salasyndaǵy AT-sheshimderdi usynatyn qazaqstandyq operator. Smartfon + tarıf servısin usyný boıynsha Qazaqstandaǵy kóshbasshy operator.
Kcell mobıldi qarjy qyzmetteri, mobıldi teledıdar, onlaın fılmder, mýzyka, kitaptar men jýrnaldar sıaqty qosymsha qyzmetterdiń arqasynda, sondaı-aq korporatıvtik klıentter úshin biregeı bıznes-sheshimder ázirleýdiń arqasynda básekelestik artyqshylyǵy bar Qazaqstannyń iri sıfrlyq ekojúıesine aınaldy. Kcell satylas, ınfraqurylymdyq sheshimder strategıasyn iske asyrý, ınovasıalyq tehnologıalardy damytý jáne engizý esebinen V2V naryǵynda jetekshi orynǵa ıe. 5G jelisimen qamtý salasy Qazaqstan Respýblıkasy halqynyń 48,84% -yn qamtıdy jáne qyzmetterdiń joǵary sapasyn qamtamasyz etedi.
Kcell klıentterge qyzmet kórsetýdiń joǵary sapasynyń arqasynda joǵary básekeli telekomýnıkasıalyq naryqtarda ózin jaqsy kórsetken Kcell jáne activ brendterimen usynylǵan. Naqty mýltıbrendti sáýlettiń arqasynda Kcell toptamalyq qyzmetterge qatysty ońtaıly baǵa belgileý, klıenttik bazanyń tabystylyǵyn jáne jeli sapasyn basqarý esebinen V2S segmentindegi bıznestiń tıimdiligin arttyrýda.
