Memleket basshysynyń 2021 jylǵy 1 qyrkúiektegi "Halyq birligi jáne júieli reformalar – el órkendeýiniń berik negizi" atty Qazaqstan halqyna Joldaýynda aitylǵan tapsyrmasyn oryndaý maqsatynda biyl azamattyq qyzmetshilerdiń jekelegen sanattarynyń jalaqysyn ortasha eseppen 20%-ǵa kezeń-kezeńimen arttyrý jalǵastyrylady, dep jazady Dalanews.kz.
Eńbek jáne halyqty áleýmettik qorǵaý ministrliginiń málimetinshe, bul jańashyldyq 600 myńǵa jýyq azamatqa áser etedi. Jalaqyny kóterý bastamasyna mynandai mamandyqtar enedi:
- býhgalterler,
- ekonomister,
- zańgerler,
- muraǵatshylar,
- kitaphanashylar,
- murajaitanýshylar,
- ormanshylar,
- tehnikalyq personal jáne taǵy basqa mamandyqtar.
"Osylaisha, 2022-2025 jyldar aralyǵynda azamattyq qyzmetshilerdiń jekelegen sanattarynyń jalaqysy eki ese ulǵaiady", delingen EHÁQM baspasóz qyzmetiniń 6 qańtardaǵy habarlamasynda.
Buǵan deiin saitymyzda "Konverttegi jalaqy: Elimizde jumys isteitin árbir úshinshi azamat óz tabysyn jasyrady" degen maqala jariialanǵan.
