مەملەكەت باسشىسىنىڭ 2021 جىلعى 1 قىركۇيەكتەگى "حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى" اتتى قازاقستان حالقىنا جولداۋىندا ايتىلعان تاپسىرماسىن ورىنداۋ ماقساتىندا بيىل ازاماتتىق قىزمەتشىلەردىڭ جەكەلەگەن ساناتتارىنىڭ جالاقىسىن ورتاشا ەسەپپەن 20%-عا كەزەڭ-كەزەڭىمەن ارتتىرۋ جالعاستىرىلادى، دەپ جازادى Dalanews.kz.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، بۇل جاڭاشىلدىق 600 مىڭعا جۋىق ازاماتقا اسەر ەتەدى. جالاقىنى كوتەرۋ باستاماسىنا مىنانداي ماماندىقتار ەنەدى:
- بۋحگالتەرلەر،
- ەكونوميستەر،
- زاڭگەرلەر،
- مۇراعاتشىلار،
- كىتاپحاناشىلار،
- مۇراجايتانۋشىلار،
- ورمانشىلار،
- تەحنيكالىق پەرسونال جانە تاعى باسقا ماماندىقتار.
"وسىلايشا، 2022-2025 جىلدار ارالىعىندا ازاماتتىق قىزمەتشىلەردىڭ جەكەلەگەن ساناتتارىنىڭ جالاقىسى ەكى ەسە ۇلعايادى"، دەلىنگەن ەحاقم باسپا ءسوز قىزمەتىنىڭ 6 قاڭتارداعى حابارلاماسىندا.
بۇعان دەيىن سايتىمىزدا "كونۆەرتتەگى جالاقى: ەلىمىزدە جۇمىس ىستەيتىن ءاربىر ءۇشىنشى ازامات ءوز تابىسىن جاسىرادى" دەگەن ماقالا جاريالانعان.
