Keshe, 13 aqpanda keshkisin qor bırjasyndaǵy saýda-sattyqta syrtqy qolaıly jaǵdaı men aqpan aıynda salyq kezeńiniń bastalýyna baılanysty ulttyq valútamyz odan ári nyǵaıa tústi. Beısenbi kúngi saýda-sattyq qorytyndysy boıynsha 1 AQSH dollarynyń quny 497,95 teńgege (-3,88 teńge) deıin tómendedi, al saýda-sattyq kólemi 311,7 mln dollardan (-22,3 mln) joǵary boldy. Eń bastysy, sarapshylar teńgeniń alda nyǵaıýyna áli qolaıly jaǵdaılar bar ekenin aıtady. Iaǵnı, dollar taǵy arzandaýy múmkin, dep jazady Dalanews.kz.

Qazaqstan qarjygerleri qaýymdastyǵy teńgeniń nyǵaıýyna óńirdegi geosaıası qaýip-qaterdiń tómendeýiniń kútilýi, Ulttyq Bank operasıalary sheńberinde shetel valútasyn konvertteý (2024 jylǵy uqsas kezeńdegi 209 mln dollarmen salystyrǵanda 2025 jyly aqpanda 1,1 mlrd dollardy qurady) jáne naryq oıynshylarynyń fıskaldyq kezeńge aldyn ala erterek daıarlanýy aıtarlyqtaı qoldaý kórsetkenin aıtady. 

"Ulttyq valútanyń nyǵaıý turǵysyndaǵy áleýeti áli óz kúshine ıe. Óıtkeni aldan salyqtardy tóleý úshin shetel valútasy túrinde túsken túsimderdi teńgege aıyrbastaý jáne Reseı rýbliniń de edáýir nyǵaıýy kútiledi", - deıdi Qazaqstan qarjygerleri qaýymdastyǵynyń sarapshylary.

Aıta ketsek, QR Ulttyq banktiń 14 aqpanǵa bekitken shetel valútalary boıynsha resmı baǵamy: 1 AQSH dollary – 497,88 teńge, evro – 518,59 teńge, rúbl – 5,44 teńge deńgeıinde bekitildi.

Astana, Almaty jáne Shymkent qalalaryndaǵy aqsha aıyrbastaý pýnktterindegi valútalardyń ortasha baǵamy tómendegideı:

Astana

• 1 AQSH dollary: satý – 496 teńge, satyp alý – 502 teńge.
• 1 evro: satý – 517 teńge, satyp alý – 524 teńge.
• 1 rúbl: satý – 5,4 teńge, satyp alý - 5,5 teńge.

Almaty

• 1 AQSH dollary: satý - 495,5 teńge, satyp alý – 500,5 teńge.
• 1 evro: satý – 517,5 teńge, satyp alý – 522 teńge.
• 1 rúbl: satý – 5,35 teńge, satyp alý - 5,51 teńge.

Shymkent

• 1 AQSH dollary: satý – 495 teńge, satyp alý – 498 teńge.
• 1 evro: satý – 518 teńge, satyp alý – 523 teńge.
• 1 rúbl: satý – 5,4 teńge, satyp alý - 5,5 teńge.

Buǵan deıin saıtymyzda Halyqaralyq valútalar qorynyń, Dúnıejúzilik banktiń qańtar aıyndaǵy Qazaqstan ekonomıkasyna qatysty boljamdaryn ári soǵan sholý júrgize otyryp, Halyk Finance jasaǵan boljamdardy da jarıalaǵan bolatynbyz. Oǵan sáıkes, Halyk Finance jyldyń ortasynda 1 AQSH dollarynyń baǵamy 535,6 teńge, jyl aıaǵynda 555 teńge bolady dep boljaıdy. Buǵan sensek, onda teńgeniń qazirgi nyǵaıýy ýaqytsha qubylys bolýy yqtımal.