Біздің аймақтағы осы саланың әлеуеті жергілікті тұрғындардың ерекше мақтанышы болып табылатын көркем табиғатымен ерекшеленеді. Бұл әдемі табиғи ландшафттар ғана емес, сонымен қатар қасиетті орындардың болуы. Мұның бәрі туризмнің барлық түрлерін дамытуға мүмкіндік береді.
Облыстық туризм және сыртқы байланыстар басқармасының ақпараты бойынша, біздің өңірге бірегей мүмкіндіктері бар әлеуетті туристік орталық ретінде ерекше көңіл бөлінеді. Соңғы 30 жылда облыстың туристік индустриясын дамыту бойынша кезең-кезеңмен кешенді жұмыс жүргізілді.
Катонқарағай мемлекеттік ұлттық табиғи паркі, Батыс Алтай қорығы, Алакөл қорығы, Марқакөл қорығы, Күршім өзенінің бассейні, Белуха тауы, Укок үстірті, Бұқтырма су қоймасы, сондай – ақ көптеген тарихи және мәдени ескерткіштерге бай өлке әр туристерді сан қырымен қуанта алады. Мұнда өңірдің өлкетану қызметінің даму перспективалары анық байқалады.
Ағымдағы жылы Риддердің туристік объектілеріне электр беру желісі салынды. Жобаның құны 40 миллион теңгені құрады. Осындай жоба Зайсан ауданында да жүзеге асырылуда. Катонқарағай ауданында экологиялық және этнотуризм ойдағыдай дамуда. Мұнда жеке кәсіпкерлер мен жергілікті тұрғындар қонақ үйлер желісін ашуға қолдау көрсетіледі. Олар үшін гранттар қарастырылған. Бұл бағытта қазірдің өзінде 15 бизнес-жоба іске асырылды.
Ресми статистикалық деректерге сәйкес, 2020 жылдың басында облыста келушілерді орналастырумен айналысатын 576 орын жұмыс істейді.
2019 жылдың қаңтар-желтоқсан айларында қызмет көрсетілген келушілер саны 2018 жылдың сәйкес кезеңімен салыстырғанда 8,4 пайызға артып, 612 689 адамды құрады.
Келушілер саны 3,1 пайызға артып, 29 741 адамды құрады.
Алакөл көлі республикалық ауқымдағы 10 басым туристік объектілердің бірі болып танылып, елдің туристификация картасының топ-10 объектісінің қатарына кірді.
Жағалауда соңғы жылдары кезең-кезеңмен, кешенді жұмыс жүргізілді.
Демалыс базаларының тұрмыстық және санитарлық жағдайларын, өрт қауіпсіздігін сақтау, шарттарды орындау және басқа да түсіндіру жұмыстары тұрғысынан мониторинг жүргізетін жұмыс тобы құрылды.
Алакөл көлінің инфрақұрылымын абаттандыру мен жақсартуға 2016-2019 жылдары облыстық бюджеттен шамамен 6,1 млрд теңге бөлінді. Жағалау абаттандырылып, Үржар ауданындағы жолдарға жөндеу жұмыстары жүргізілді. Теміржол тасымалы мен әуе қатынасын субсидиялау, сондай-ақ жылдамдығы жоғары интернет желісін орнату және басқа да жоспарлы іс-шаралар жүргізілді.
– Коронавирус пандемиясының басталуымен және шектеу шараларының енгізілуімен туризм ең зардап шеккен салалардың біріне айналды, - деп түсіндірді ШҚО туризм және сыртқы байланыстар басқармасының басшысы Марат Қабақов. – 2020 жылы өңірге келетін туристер саны екі есе азайды (42 %). Алакөл көлінің жағалауында демалушылар саны 70 пайызға төмендеді. Сонымен қатар, өткен жылы да, ағымдағы жылы да облыс әкімі Даниал Ахметовтың қолдауымен, санитарлық нормаларды сақтай отырып демалыс базалары жұмыс істеуге мүмкіндік алды.
Марат Қабақовтың мәліметінше, биыл Алакөл көлінің шығыс жағалауының инфрақұрылымын дамытуға сегіз миллиард теңгеге жуық қаражат бағытталды. Барлық жобалар іске асырылды. Атап айтқанда, полиция ғимараттары мен жедел медициналық жәрдем станциялары салынып, коммуналдық коммуникациялар құрылысының ЖСҚ әзірленді.
ШҚО туризм басқармасында атап өткендей, саланы дамыту үшін өңірдің киелі нысандарының инфрақұрылымы маңызды фактор болып табылады. Облыс басшылығы бұл мәселеге ерекше көңіл бөледі. Сондықтан осы нысандарды жетілдіру үшін бірқатар міндеттер орындалды.
Тарбағатай ауданындағы Ырғызбай ата кесенесінің айналасы абаттандырылып, Абай ауданындағы Қоңыр әулие үңгірі жөндеуден өтті. Катонқарағай ауданының Берел қорғандарында ашық аспан астындағы мұражай құрылды.
Шығыс Қазақстан облысын ақпараттық ілгерілету мақсатында бірыңғай Toureast.kz ақпараттық ресурс-портал құрылды.
Онда ШҚО бойынша 60-тан астам дайын туристік бағыттар, қалалар мен аудандар бойынша орналастыру орындары, демалыс базалары, имидждік бейнероликтер, туристерге арналған жолсілтемелер көрсетілген. Сондай-ақ, Visit East Qazaqstan порталы жұмыс істейді.
10 - нан астам ақпараттық және баспасөз турлары, соның ішінде британдық ВВС телеарнасының, "МИР" халықаралық телеарнасының сапарлары өткізілді.
Сондай-ақ, 2019 жылы туристерге ыңғайлы болу үшін Шығыс Қазақстан туралы жолсілтеме шығарылды. Онда өңірдің туристік әлеуеті туралы толық ақпарат орналастырылды.
"Kazakh Тоигіѕм" ҰК " АҚ бірлесіп Қазақстанның басқа өңірлерінен туроператорлар үшін ақпараттық турлар өткізді. Іс-шаралар шеңберінде Сібе көлдерінде жазғы туристік маусымның ашылуы, Алакөл көлінің жағалауында жыл сайынғы "Алакөл алаулары" фестивалі және басқа да іс-шаралар өткізілді.
Марат Қабақовтың айтуынша, өткен айда ШҚО делегациясы Катардағы Доха қаласында өткен Qatar Travel Mart 2021 Туризм және саяхат көрмесіне қатысты.
– Көрме аясында біз шетелдік серіктестермен 100-ге жуық келіссөздер өткіздік, - деп бөлісті ол. - Шығыс Қазақстан облысына Корея, Еуроодақ, араб елдерінің инвесторлары қызығушылық танытты. Мысалы, ШҚО араб елдерінің өкілдерін Сұңқар аулау және танымдық туризм қызықтырады. Келесі жылы Катардың 10 туроператоры біздің облыс бойынша ақпараттық турға қатысады. Осы кездесулердің қорытындысы меморандумдарға қол қоюмен аяқталуы әбден мүмкін.
