Қазақстанда инфляция 2025 жылғы ақпанға үдеп, бір жылда 9,4%, бір айда 1,5% болды. Ал қаңтар айында жылдық көрсеткіш 8,9%, бір айдағысы 1,1%-ды қамтыған. Осы жағынан алғанда, ақпан айы бағалар өсіміне сай келіп отыр, деп жазады Dalanews.kz.
Ұлттық статистика бюросының мәліметінше, баға ақылы қызметтерге бір жылда 14,1% (2025 жылғы қаңтарда – 13,8%), азық-түлік емес тауарларға – 8,7% (2025 жылғы қаңтарда – 8,4%), азық-түлік тауарларға 6,5% өсті (2025 жылғы қаңтарда – 5,8%).
Өткен жылғы ақпанмен салыстырғанда тарифтер:
- суық суға – 70,7% (!),
- электр энергиясына – 21%,
- орталықтан жылытуға – 18,2%,
- су бұруға – 17,3%,
- ыстық суға – 14,5%,
- тарату желілері бойынша тасымалданатын газға – 13,2%,
- қоқыс шығаруға 11,1% өсті.
Жолаушылар темір жол көлігімен жол жүру – 20%, жолаушылар әуе көлігімен – 12,5%, қалалық автобуспен 10,5% қымбаттады. Тұрғын үйді жалға алу төлемі 16,5% өсті.
Азық-түлік себеті:
Картоп – 62,1%, пияз – 27,3%, қырыққабат – 20,2%, минералды және ауыз су – 17%, кондитерлік өнімдер – 14,2%, алкогольді ішімдіктер және темекі өнімдері – 13%, салқындатылған сусындара – 12,6%, қайта өңделген және консервіленген балық – 12,5%, сары май – 12,2%, жеміс және көкөніс шырындары 10,6% өсті.
Баға мына өнімдерге қатысты төмендеді:
- қарақұмық жармасы – 20,4%,
- сәбіз – 6,6%,
- күріш – 5,7%,
- жұмыртқа - 5,3%.
Өңірлер бөлінісінде 2025 жылғы ақпанда инфляция орташа республикалық деңгейден асатын сегіз өңірде қалыптасты, олардың ішінен ең жоғарысы Астана қаласында (12,7%), Ақмола (10,7%), Батыс Қазақстан (10,5%) облыстарында тіркелді.
Инфляцияның жылдық деңгейіне ең үлкен үлесті азық-түлік және алкогольсіз сусындар (2,5 пайыздық тармақ), тұрғын үй қызметтері (1,9 пайыздық тармақ), денсаулық сақтау (1,1 пайыздық тармақ), киім және аяқ киім (1 пайыздық тармақ) қосты.
ТКШ қызметтері бір жылда 16,3% қымбаттады, ал олардың инфляцияға үлесі 1,9 пайыздық тармақты құрады. 2025 жылғы ақпанда өткен жылы ақпанмен салыстырғанда тұрғын үйді жалға беру тарифтері 16,5% өсіп және жылдық инфляцияға 0,6 пайыздық тармаққа үлес қосты.
Жыл ішінде ет және ет өнімдері бағасы – 6,2%, жемістер мен көкөністер 9,3%, өсіп, инфляцияға тиісінше 0,7 және 0,6 пайыздық тармаққа негізгі үлес қосты. Сүт өнімдері бағасының 6,1% қымбаттауы жылдық инфляцияға 0,3 пайыздық тармаққа, май және тоң май (10,5%), алкоголсіз сусындар (9,5%), нан өнімдері мен жармалар (2,8%) – 0,2 пайыздық тармақтан үлес қосты.
Жылдық мәнде киім-кешек 10,6%, аяқ-киім 11,4% қымбаттады және инфляцияға тиісінше 0,7 және 0,4 пайыздық тармаққа үлес қосты.
Бір айда ақылы қызметтер бағасының деңгейі – 2,1%, азық-түлік тауарлар – 1,5%, азық-түлік емес тауарлар 1% өсті.
Бұған дейін 2025 жылы 18 ақпанда бірнеше өңірде бензин бағасы өскенін жазғанбыз. Сондай-ақ сайтымызда "2024 жылдың қорытындысы: Қазақстан қымбатшылық жағынан ЕАЭО елдерінен асып түсті" деген мақала жарияланған.
