Qazaqstanda infliatsiia 2025 jylǵy aqpanǵa údep, bir jylda 9,4%, bir aida 1,5% boldy. Al qańtar aiynda jyldyq kórsetkish 8,9%, bir aidaǵysy 1,1%-dy qamtyǵan. Osy jaǵynan alǵanda, aqpan aiy baǵalar ósimine sai kelip otyr, dep jazady Dalanews.kz.
Ulttyq statistika biýrosynyń málimetinshe, baǵa aqyly qyzmetterge bir jylda 14,1% (2025 jylǵy qańtarda – 13,8%), azyq-túlik emes taýarlarǵa – 8,7% (2025 jylǵy qańtarda – 8,4%), azyq-túlik taýarlarǵa 6,5% ósti (2025 jylǵy qańtarda – 5,8%).
Ótken jylǵy aqpanmen salystyrǵanda tarifter:
- sýyq sýǵa – 70,7% (!),
- elektr energiiasyna – 21%,
- ortalyqtan jylytýǵa – 18,2%,
- sý burýǵa – 17,3%,
- ystyq sýǵa – 14,5%,
- taratý jelileri boiynsha tasymaldanatyn gazǵa – 13,2%,
- qoqys shyǵarýǵa 11,1% ósti.
Jolaýshylar temir jol kóligimen jol júrý – 20%, jolaýshylar áýe kóligimen – 12,5%, qalalyq avtobýspen 10,5% qymbattady. Turǵyn úidi jalǵa alý tólemi 16,5% ósti.
Azyq-túlik sebeti:
Kartop – 62,1%, piiaz – 27,3%, qyryqqabat – 20,2%, mineraldy jáne aýyz sý – 17%, konditerlik ónimder – 14,2%, alkogoldi ishimdikter jáne temeki ónimderi – 13%, salqyndatylǵan sýsyndara – 12,6%, qaita óńdelgen jáne konservilengen balyq – 12,5%, sary mai – 12,2%, jemis jáne kókónis shyryndary 10,6% ósti.
Baǵa myna ónimderge qatysty tómendedi:
- qaraqumyq jarmasy – 20,4%,
- sábiz – 6,6%,
- kúrish – 5,7%,
- jumyrtqa - 5,3%.
Óńirler bólinisinde 2025 jylǵy aqpanda infliatsiia ortasha respýblikalyq deńgeiden asatyn segiz óńirde qalyptasty, olardyń ishinen eń joǵarysy Astana qalasynda (12,7%), Aqmola (10,7%), Batys Qazaqstan (10,5%) oblystarynda tirkeldi.
Infliatsiianyń jyldyq deńgeiine eń úlken úlesti azyq-túlik jáne alkogolsiz sýsyndar (2,5 paiyzdyq tarmaq), turǵyn úi qyzmetteri (1,9 paiyzdyq tarmaq), densaýlyq saqtaý (1,1 paiyzdyq tarmaq), kiim jáne aiaq kiim (1 paiyzdyq tarmaq) qosty.
TKSh qyzmetteri bir jylda 16,3% qymbattady, al olardyń infliatsiiaǵa úlesi 1,9 paiyzdyq tarmaqty qurady. 2025 jylǵy aqpanda ótken jyly aqpanmen salystyrǵanda turǵyn úidi jalǵa berý tarifteri 16,5% ósip jáne jyldyq infliatsiiaǵa 0,6 paiyzdyq tarmaqqa úles qosty.
Jyl ishinde et jáne et ónimderi baǵasy – 6,2%, jemister men kókónister 9,3%, ósip, infliatsiiaǵa tiisinshe 0,7 jáne 0,6 paiyzdyq tarmaqqa negizgi úles qosty. Sút ónimderi baǵasynyń 6,1% qymbattaýy jyldyq infliatsiiaǵa 0,3 paiyzdyq tarmaqqa, mai jáne toń mai (10,5%), alkogolsiz sýsyndar (9,5%), nan ónimderi men jarmalar (2,8%) – 0,2 paiyzdyq tarmaqtan úles qosty.
Jyldyq mánde kiim-keshek 10,6%, aiaq-kiim 11,4% qymbattady jáne infliatsiiaǵa tiisinshe 0,7 jáne 0,4 paiyzdyq tarmaqqa úles qosty.
Bir aida aqyly qyzmetter baǵasynyń deńgeii – 2,1%, azyq-túlik taýarlar – 1,5%, azyq-túlik emes taýarlar 1% ósti.
Buǵan deiin 2025 jyly 18 aqpanda birneshe óńirde benzin baǵasy óskenin jazǵanbyz. Sondai-aq saitymyzda "2024 jyldyń qorytyndysy: Qazaqstan qymbatshylyq jaǵynan EAEO elderinen asyp tústi" degen maqala jariialanǵan.
