قازاقستاندا ينفلياتسييا 2025 جىلعى اقپانعا ٷدەپ, بٸر جىلدا 9,4%, بٸر ايدا 1,5% بولدى. ال قاڭتار ايىندا جىلدىق كٶرسەتكٸش 8,9%, بٸر ايداعىسى 1,1%-دى قامتىعان. وسى جاعىنان العاندا, اقپان ايى باعالار ٶسٸمٸنە ساي كەلٸپ وتىر, دەپ جازادى Dalanews.kz.
ۇلتتىق ستاتيستيكا بيۋروسىنىڭ مەلٸمەتٸنشە, باعا اقىلى قىزمەتتەرگە بٸر جىلدا 14,1% (2025 جىلعى قاڭتاردا – 13,8%), ازىق-تٷلٸك ەمەس تاۋارلارعا – 8,7% (2025 جىلعى قاڭتاردا – 8,4%), ازىق-تٷلٸك تاۋارلارعا 6,5% ٶستٸ (2025 جىلعى قاڭتاردا – 5,8%).
ٶتكەن جىلعى اقپانمەن سالىستىرعاندا تاريفتەر:
- سۋىق سۋعا – 70,7% (!),
- ەلەكتر ەنەرگيياسىنا – 21%,
- ورتالىقتان جىلىتۋعا – 18,2%,
- سۋ بۇرۋعا – 17,3%,
- ىستىق سۋعا – 14,5%,
- تاراتۋ جەلٸلەرٸ بويىنشا تاسىمالداناتىن گازعا – 13,2%,
- قوقىس شىعارۋعا 11,1% ٶستٸ.
جولاۋشىلار تەمٸر جول كٶلٸگٸمەن جول جٷرۋ – 20%, جولاۋشىلار ەۋە كٶلٸگٸمەن – 12,5%, قالالىق اۆتوبۋسپەن 10,5% قىمباتتادى. تۇرعىن ٷيدٸ جالعا الۋ تٶلەمٸ 16,5% ٶستٸ.
ازىق-تٷلٸك سەبەتٸ:
كارتوپ – 62,1%, پيياز – 27,3%, قىرىققابات – 20,2%, مينەرالدى جەنە اۋىز سۋ – 17%, كونديتەرلٸك ٶنٸمدەر – 14,2%, الكوگولدٸ ٸشٸمدٸكتەر جەنە تەمەكٸ ٶنٸمدەرٸ – 13%, سالقىنداتىلعان سۋسىندارا – 12,6%, قايتا ٶڭدەلگەن جەنە كونسەرۆٸلەنگەن بالىق – 12,5%, سارى ماي – 12,2%, جەمٸس جەنە كٶكٶنٸس شىرىندارى 10,6% ٶستٸ.
باعا مىنا ٶنٸمدەرگە قاتىستى تٶمەندەدٸ:
- قاراقۇمىق جارماسى – 20,4%,
- سەبٸز – 6,6%,
- كٷرٸش – 5,7%,
- جۇمىرتقا - 5,3%.
ٶڭٸرلەر بٶلٸنٸسٸندە 2025 جىلعى اقپاندا ينفلياتسييا ورتاشا رەسپۋبليكالىق دەڭگەيدەن اساتىن سەگٸز ٶڭٸردە قالىپتاستى, ولاردىڭ ٸشٸنەن ەڭ جوعارىسى استانا قالاسىندا (12,7%), اقمولا (10,7%), باتىس قازاقستان (10,5%) وبلىستارىندا تٸركەلدٸ.
ينفلياتسييانىڭ جىلدىق دەڭگەيٸنە ەڭ ٷلكەن ٷلەستٸ ازىق-تٷلٸك جەنە الكوگولسٸز سۋسىندار (2,5 پايىزدىق تارماق), تۇرعىن ٷي قىزمەتتەرٸ (1,9 پايىزدىق تارماق), دەنساۋلىق ساقتاۋ (1,1 پايىزدىق تارماق), كيٸم جەنە اياق كيٸم (1 پايىزدىق تارماق) قوستى.
تكش قىزمەتتەرٸ بٸر جىلدا 16,3% قىمباتتادى, ال ولاردىڭ ينفلياتسيياعا ٷلەسٸ 1,9 پايىزدىق تارماقتى قۇرادى. 2025 جىلعى اقپاندا ٶتكەن جىلى اقپانمەن سالىستىرعاندا تۇرعىن ٷيدٸ جالعا بەرۋ تاريفتەرٸ 16,5% ٶسٸپ جەنە جىلدىق ينفلياتسيياعا 0,6 پايىزدىق تارماققا ٷلەس قوستى.
جىل ٸشٸندە ەت جەنە ەت ٶنٸمدەرٸ باعاسى – 6,2%, جەمٸستەر مەن كٶكٶنٸستەر 9,3%, ٶسٸپ, ينفلياتسيياعا تيٸسٸنشە 0,7 جەنە 0,6 پايىزدىق تارماققا نەگٸزگٸ ٷلەس قوستى. سٷت ٶنٸمدەرٸ باعاسىنىڭ 6,1% قىمباتتاۋى جىلدىق ينفلياتسيياعا 0,3 پايىزدىق تارماققا, ماي جەنە توڭ ماي (10,5%), الكوگولسٸز سۋسىندار (9,5%), نان ٶنٸمدەرٸ مەن جارمالار (2,8%) – 0,2 پايىزدىق تارماقتان ٷلەس قوستى.
جىلدىق مەندە كيٸم-كەشەك 10,6%, اياق-كيٸم 11,4% قىمباتتادى جەنە ينفلياتسيياعا تيٸسٸنشە 0,7 جەنە 0,4 پايىزدىق تارماققا ٷلەس قوستى.
بٸر ايدا اقىلى قىزمەتتەر باعاسىنىڭ دەڭگەيٸ – 2,1%, ازىق-تٷلٸك تاۋارلار – 1,5%, ازىق-تٷلٸك ەمەس تاۋارلار 1% ٶستٸ.
بۇعان دەيٸن 2025 جىلى 18 اقپاندا بٸرنەشە ٶڭٸردە بەنزين باعاسى ٶسكەنٸن جازعانبىز. سونداي-اق سايتىمىزدا "2024 جىلدىڭ قورىتىندىسى: قازاقستان قىمباتشىلىق جاعىنان ەاەو ەلدەرٸنەن اسىپ تٷستٸ" دەگەن ماقالا جارييالانعان.
