2026 jylǵy sáýirde Qazaqstandaǵy jyldyq infliatsiia 10,6% boldy. Bul naýryz aiymen salystyrǵanda tómen (11%). Ailyq infliatsiia 0,8% deńgeiinde tirkeldi (naýryzda – 0,6%), dep habarlaidy dalanews.kz.
Statistikaǵa sáikes, baǵa ósimi barlyq negizgi segmentterde baiqalǵanymen, kei baǵyttarda baiaýlaý úrdisi baiqalady.
Azyq-túlik taýarlary bir jylda 11,3%-ǵa qymbattady (naýryzda – 11,7%). Azyq-túlikke jatpaityn taýarlar baǵasy 11,7%-ǵa ósti (naýryzda – 11,3%). Al aqyly qyzmetter quny 8,9%-ǵa jetip, ótken aimen salystyrǵanda tómendegen (naýryzda – 10%).
Eń joǵary ósim azyq-túlik ónimderi men janarmai segmentinde tirkelip otyr. Atap aitqanda:
– et pen qus eti – 18,4%
– shujyq jáne et ónimderi – 17,0%
– irimshik pen súzbe – 13,0%
– qyshqyl sút ónimderi – 14,8%
– jumyrtqa – 12,7%
– benzin – 16,1%
Sarapshylardyń aitýynsha, infliatsiianyń baiaýlaýyna qaramastan, halyqtyń kúndelikti tutynatyn negizgi taýarlary áli de aitarlyqtai qymbattap jatyr. Bul óz kezeginde turǵyndardyń satyp alý qabiletine qysym túsirýi múmkin.
