تۇركىستان وبلىسىندا ۆەتەريناريا سالاسىندا 928 ملن تەڭگە بيۋدجەت قاراجاتىن جىمقىرۋ دەرەگى انىقتالدى، دەپ حابارلايدى Dala News.
وبلىس پروكۋراتۋراسىنىڭ مالىمەتىنشە، 2022–2025 جىلدار ارالىعىندا «ۆەتەريناريالىق قىزمەت» مكك باسشىلارى مەن قىزمەتكەرلەرى ساتىپ الۋلار كەزىندە جالعان مالىمەتتەر ەنگىزىپ، قاراجاتتى زاڭسىز اۋدارىپ وتىرعان.
اتاپ ايتقاندا، كۇدىكتىلەر ەسق-لارىن پايدالانىپ، تولەم تاپسىرمالارىندا بىردەي جسن-داردى كورسەتىپ، تەك كومپانيا اتاۋلارىن وزگەرتۋ ارقىلى ارەكەتتەرىن جاسىرعان.
تەكسەرۋ بارىسىندا كاسىپكەرلەر تاراپىنان ەشقانداي قىزمەت كورسەتىلمەگەنى جانە تاۋار جەتكىزىلمەگەنى انىقتالعان.
وسىنىڭ سالدارىنان مەملەكەتكە ءىرى كولەمدە شىعىن كەلتىرىلگەن.
اتالعان فاكتى بويىنشا قىلمىستىق ءىس ق ر قك-نىڭ 189-بابى 4-بولىگى بويىنشا تىركەلىپ، تەرگەۋدى ارنايى پروكۋرورلار جۇرگىزىپ جاتىر.
26 ناۋرىزدا ءتورت لاۋازىمدى تۇلعا – ەكى بۇرىنعى باسشى، ولاردىڭ ورىنباسارى جانە باس بۋحگالتەر – كۇدىكتى رەتىندە ۇستالىپ، قاماۋعا الىندى.
قازىرگى ۋاقىتتا باسقا دا تۇلعالاردىڭ قاتىسى بار-جوعى تەكسەرىلۋدە.
