الماتىدا جەڭىل رەلستى كولىك (LRT) جەلىسىنىڭ ءبىرىنشى كەزەڭىن سالۋ ءۇشىن 270 جەر ۋچاسكەسى ءماجبۇرلى تۇردە مەملەكەت قاجەتىنە الىنادى. ءتيىستى قۇجاتقا قالا اكىمى دارحان ساتىبالدى قول قويدى، دەپ حابارلايدى Dalanews.kz.
بۇل شارا جەتىسۋ، المالى، اۋەزوۆ جانە الاتاۋ اۋداندارىن قامتيدى.
جوبا الماتى-2 تەمىرجول ۆوكزالىنان موڭكە بي كوشەسىنە دەيىنگى اۋماقتى قامتيدى. جەردى الۋ ءراسىمىن 2028 جىلدىڭ 31 جەلتوقسانىنا دەيىن اياقتاۋ جوسپارلانعان، ال قۇرىلىس جۇمىستارى 2027 جىلدىڭ ساۋىرىنەن 2029 جىلدىڭ ساۋىرىنە دەيىن جۇرگىزىلەدى.
جەر جانە جىلجىمايتىن مۇلىك يەلەرىنە زاڭناماعا سايكەس وتەماقى تولەنەدى.
