اقتوبەدە كاسىپكەرلىك نىساندارعا تەكسەرىس جۇرگىزىلىپ، ءبىرقاتار سانيتارلىق جانە اباتتاندىرۋ تالاپتارىنىڭ بۇزىلعانى انىقتالدى، دەپ حابارلايدى Dala News.
وبلىستىق كاسىپكەرلىك جانە يندۋستريالىق-يننوۆاسيالىق دامۋ باسقارماسى قالا اكىمدىگىمەن بىرلەسىپ جيلگورودوك بازارى مەن ەسەت باتىر كوشەسىندەگى نىسانداردى تەكسەردى. رەيدتىڭ ماقساتى – كوكتەمگى ەكى ايلىق اياسىندا كاسىپكەرلەردىڭ سانيتارلىق تالاپتاردى ساقتاۋ دەڭگەيىن انىقتاۋ.
تەكسەرۋ بارىسىندا كاسىپكەرلەرگە اۋماقتى قوقىستان تازارتۋ، كوگالداندىرۋ جۇرگىزۋ جانە عيماراتتاردىڭ قاسبەتىن رەتكە كەلتىرۋ قاجەتتىگى ءتۇسىندىرىلدى. سونىمەن قاتار ءبىرقاتار زاڭبۇزۋشىلىقتار تىركەلگەن.
جاۋاپتى ماماندار كاسىپكەرلەرگە ارنايى جادىنامالار تاراتىپ، تالاپتار ورىندالماعان جاعدايدا اكىمشىلىك جاۋاپكەرشىلىك قاراستىرىلاتىنىن ەسكەرتتى.
وبلىستىق باسقارما باسشىسى دوسجان الىبەكوۆتىڭ ايتۋىنشا، بۇل جۇمىستار «تازا قازاقستان» رەسپۋبليكالىق اكسياسى اياسىندا جۇرگىزىلۋدە.
ونىڭ سوزىنشە، اقتوبەدە 28 ناۋرىز – 30 مامىر ارالىعىندا كوكتەمگى سانيتارلىق ەكى ايلىق جاريالانعان.
«قالا تازالىعى – ءار كاسىپكەردىڭ جاۋاپكەرشىلىگى»، – دەدى ول.
