Aqtóbede kásipkerlik nysandarǵa tekseris júrgizilip, birqatar sanitarlyq jáne abattandyrý talaptarynyń buzylǵany anyqtaldy, dep habarlaidy Dala News.
Oblystyq kásipkerlik jáne indýstriialyq-innovatsiialyq damý basqarmasy qala ákimdigimen birlesip Jilgorodok bazary men Eset batyr kóshesindegi nysandardy tekserdi. Reidtiń maqsaty – kóktemgi eki ailyq aiasynda kásipkerlerdiń sanitarlyq talaptardy saqtaý deńgeiin anyqtaý.
Tekserý barysynda kásipkerlerge aýmaqty qoqystan tazartý, kógaldandyrý júrgizý jáne ǵimarattardyń qasbetin retke keltirý qajettigi túsindirildi. Sonymen qatar birqatar zańbuzýshylyqtar tirkelgen.
Jaýapty mamandar kásipkerlerge arnaiy jadynamalar taratyp, talaptar oryndalmaǵan jaǵdaida ákimshilik jaýapkershilik qarastyrylatynyn eskertti.
Oblystyq basqarma basshysy Dosjan Álibekovtiń aitýynsha, bul jumystar «Taza Qazaqstan» respýblikalyq aktsiiasy aiasynda júrgizilýde.
Onyń sózinshe, Aqtóbede 28 naýryz – 30 mamyr aralyǵynda kóktemgi sanitarlyq eki ailyq jariialanǵan.
«Qala tazalyǵy – ár kásipkerdiń jaýapkershiligi», – dedi ol.
