قازاقستاندا 2026 جىلعا ارنالعان مەدەني-تۋريستٸك ٸس-شارالار كٷنتٸزبەسٸ ەزٸرلەندٸ, دەپ حابارلايدى DalaNews.
قۇجاتتى تۋريزم جەنە سپورت مينيسترلٸگٸ «Kazakh Tourism» ۇلتتىق كومپانيياسىمەن بٸرلەسٸپ دايىنداعان. بيىلعى كٷنتٸزبەگە ەل بويىنشا ٶتەتٸن 55 ٸرٸ ٸس-شارا ەنگٸزٸلگەن. ولاردىڭ قاتارىندا مەدەني, ەتنومەدەني, گاسترونومييالىق, سپورتتىق جەنە ەكولوگييالىق باعىتتاعى شارالار بار.
جىل باسىنان بەرٸ بۇل تٸزٸمدەگٸ بٸرقاتار ٸس-شارالار جوعارى دەڭگەيدە ۇيىمداستىرىلىپ ٷلگەردٸ. اتاپ ايتقاندا, Burabay Ice فەستيۆالٸ, Astana Symphony كونتسەرتٸ, قىسقى دريفت كۋبوگى, «امال كەلدٸ – جىل كەلدٸ» مەرەكەسٸ جەنە شىمكەنتتە ٶتكەن «دەمدەستٷر» حالىقارالىق گاسترونومييالىق فەستيۆالٸ مىڭداعان كٶرەرمەن مەن تۋريستٸ جينادى.
مينيسترلٸكتٸڭ مەلٸمەتٸنشە, ەندٸ بارلىق اقپارات بٸر پلاتفورمادا شوعىرلانعان. ٸس-شارالاردىڭ تولىق تٸزٸمٸ, ٶتەتٸن كٷندەرٸ مەن ورىندارى ارنايى سايتتا جارييالانعان. بۇل تۋريستەرگە ٶز ساپارىن الدىن الا جوسپارلاپ, قىزىقتى باعىتتاردى تاڭداۋعا مٷمكٸندٸك بەرەدٸ.
